សំឡេងយុវវ័យ
ព្រះអង្គសង្គ្រោះបានជួយខ្ញុំផ្លាស់ប្តូរ
រចនារូបភាពដោយ ខេតលីន បឺច
ខ្ញុំមានមុខបែបនេះ នៅពេលខ្ញុំមិនញញឹម មើលទៅខ្ញុំដូចជាខឹង ។ មនុស្សគេនឹងសួរថា « ហេតុអ្វីបានជាអ្នកមានមុខក្រញូវអ៊ីចឹង ? តើអ្នកមានរឿងអ្វី ? » ហើយខ្ញុំនិយាយថា « ខ្ញុំមានបានក្រញូវអ៊ីចឹងណា » ។ ប៉ុន្តែសំណួររបស់ពួកគេពិតជាបានធ្វើឲ្យខ្ញុំខឹង ។
ឪពុករបស់ខ្ញុំបារម្ភអំពីខ្ញុំ ។ គាត់បានហៅខ្ញុំទៅបន្ទប់របស់គាត់ ហើយនិយាយថា « កូនដឹងទេ កូនមិនអាចមានអាកប្បកិរិយាខឹងបែបនេះបានទេ ។ តើមានអ្វីដែលធ្វើឲ្យកូនបែបនេះ ? » ខ្ញុំបានសម្រេចចិត្តថា ខ្ញុំចង់ផ្លាស់ប្តូរ ។
ខ្ញុំបានអធិស្ឋាន ហើយអំពាវនាវដល់ព្រះវរបិតាសួគ៌ដើម្បីទ្រង់ជួយខ្ញុំ ។ យូរៗទៅ ខ្ញុំចាប់ផ្តើមមានអារម្មណ៍ខុសពីមុន ។ ខ្ញុំលែងសូវខឹង ខ្ញុំញញឹមច្រើនជាងមុន ហើយខ្ញុំស្រឡាញ់អ្នកដទៃច្រើនជាងមុន ។ មនុស្សគ្រប់គ្នាបាននិយាយថា « អ្នកមានការផ្លាស់ប្តូរ » ។ ខ្ញុំដឹងយ៉ាងច្បាស់ថា វាមិនមែនដោយសារកម្លាំងរបស់ខ្ញុំទេ ។ វាបានកើតឡើងដោយព្រះចេស្តារនៃដង្វាយធួនរបស់ព្រះយេស៊ូវគ្រីស្ទ ។
វាពិបាកក្នុងការក្លាយជាមនុស្សដែលអ្នកចង់ប្រែក្លាយជា ។ ខ្ញុំមិនអាចនិយាយបានថា ខ្ញុំបានល្អគ្រប់គ្រាន់ហើយនោះទេ ប៉ុន្តែខ្ញុំកំពុងព្យាយាមដើម្បីធ្វើឲ្យបានល្អ ។ ដំណើរជីវិតរបស់យើងគួរតែធ្វើដំណើរជាមួយព្រះយេស៊ូវគ្រីស្ទ ។ យើងគួរតែអញ្ជើញទ្រង់ឲ្យរួមដំណើរជាមួយយើង ។
វិកតូរៀ អ៊ី អាយុ ៦ ឆ្នាំ ទីក្រុងឡាហ្គោស ប្រទេសនីហ្សេរីយ៉ា
ចូលចិត្តលេងកីឡា អាន ច្រៀង ធ្វើសក់ និងរៀនអ្វីថ្មីៗ ។