Eda na bula vakacava e vuravura ka “biuta vakatikitiki na veika ni vuravura oqo”?

O Ira na Tisaipeli sa Digitaka o Koya, mai vei Casey Childs

Sa kaya na Turaga, “Mo biuta vakatikitiki na veika ni vuravura oqo, ka vakasaqara na veika sa vinaka cake” (Vunau kei na Veiyalayalati 25:10). E sega ni kena ibalebale oqo ni da vakawalena na noda gagadre vakayago kei na veika vakayago, ia e kena ibalebale ni da sega ni vagolea na yaloda ki na iyau, kaukauwa, itutu, se na veivakadonui nei vuravura. Oqo eso na ivakavuvuli eda sa vakavulici kina me baleta na bula e vuravura:

Vakaliuca na veika ni Kalou e liu. E vakarota na Turaga, “Ia dou vakasaqara taumada na matanitu ni Kalou, kei na nona yalododonu” (Maciu 6:33). E yaloda kei na noda bula, na ivakaro ni Kalou kei na noda veiyalayalati vata kei Koya sa noda ka vakaliuca.

Vakasaqara na vuli. “Ni o vulica na veika e baleta na vuravura wavoliti iko, vulica talega na veika me baleta na iVakabula Na levu ga ni nomu vulica, na levu ni nomu rawa ni veivuke ena tarai cake ni matanitu ni Kalou ka vakayarayarataka na vuravura me vinaka” (Me iSakisaki ni iTabagone: iDusidusi ni Kena Caka na Digidigi [2022], 31, 32).

Cakacaka. “Na cakacaka e dua na ivakavuvuli bibi ni kosipeli. E vakabulabulataka na tubu ka vakatorocaketaki keda. E sega walega ni vinakata na Turaga meda vakarautaka na veika me baleta na noda matavuvale ia meda ‘gumatua ena cakacaka vinaka’ [Vunau kei na Veiyalayalati 58:27]” (“Employment,” Topics and Questions, Valenivo;a ni Kosipeli).