Au Na Daumaka Tu

Droini mai vei Katelyn Budge

Au dau lomaleqa niu tiko ena lesoni ni Lotu kei na semineri kei na gauna au vosa kina ena soqoni ni sakaramede. Ia au via vakananuma na Vunau kei na Veiyalayalati 84:88: “Au na tiko e [yasamu] imatau ka tiko tale ga e [yasamu] imawi, ia na Yaloqu ena tiko e [lomamu], era na vakavolivoliti [iko] na noqu agilosi mera laveti [iko] cake.”

Niu wilika se vakananuma na tikina oya, au vakila ni sa wanonovi au tiko o Jisu ka tokoni au tu. Sa vukei au o Koya niu caka cala.

Au vakila ni sa vakarautaka tu na Tamada Vakalomalagi na veimadigi oqo me baleti au. Ena cakava o Koya me rawa vei au ni kitaka ena noqu igu taucoko, kevaka mada ga e dredre.

Se cava ga ena yaco, au na daumaka tu, baleta ni na vukei au na Tamada Vakalomalagi kei Jisu Karisito niu cakacaka ena vakabauta.