Veivuke kina Veisiga Dredre

Na bula e sega ni dau vaka na veika e lomada tu. Eda taleitaka kece na siga vakasinaiti tu ena marau kei na reki, ia sa vakasinaiti tu eso na siga ena lomaleqa. Ena ilavelave oqo, ona raica na veivuke me baleta na veisiga oqori (raica na tabana e 8, 14, kei na 22).

E dua na noqu ivolanikalou taleitaki e koto kina e dua na ivakasala kei na yalayala me baleta na veisiga dredre. E tukuna, “Mo vosota sara na veivakararawataki, ni na vuqa e yaco vei iko, ia mo vosoti ira vakadede, niu sa tikoga kei iko, me yacova ni sa oti na nomu veisiga” (Vunau kei na Veiyalayalati 24:8). Na ivakasala oya meda vosota.

Ena wakana, na vosota e kena ibalebale na yalodei tikoga. E rawa ni dredre tu me caka, oqo na vuna au taleitaka kina na yalayala “Niu sa tikoga kei iko.” Na yalayala oya e kena ibalebale ni sega ni dodonu meda sotava duadua na veisiga dredre. Ena veivuke na Turaga meda yalodei tikoga.

Se cava na ka e yaco tiko ena noda bula, na sala vinaka duadua ni sema kivua na Tamada meda masu. E tiko dina ekea o Koya. Ena rogoca ka sauma na noda masu o Koya. Na Kalou e rogoca ka vosa vei ira na Luvena ena veisiga vinaka kei na veisiga ca (raica na tabana e 2). Sa yalataka tu o Koya me tiko vata kei keda.