Ona Kunea e Vei na Kaukauwa Nio Sega ni Ciqomi?

Ena vica na yabaki sa oti, au a vakaitavi ena dua na itaviqaravi vata kei ira na itabagone tale eso kei na vica na daukaulotu. Na neitou inaki me keitou sureti ira na tamata me ra lako mai ka tiko ena dua na soqoni ni sakaramede.

Au marautaka meu biuti au ena nodratou ivava na neitou daukaulotu. Keirau a veisoliyaka na neirau veisureti vei ira e vica na tamata keirau sota. Ni sa gauna meu solia kina na iotioti ni kadi, a vakauqeti au na Yalotabu meu lako vua e dua na tamata. Ia a sega ni taleitaka na neitou veisureti ka vakatalai keirau tani.

E vakavuna meu rarawa niu raica na tamata oqo ni saqata tiko na loloma ni noda iVakabula. Au kila ni vuqa na tamata era bese ni via sureti Karisito me ra lako mai Vua. Ia au kila talega ni noda veisureti walega, eda sa tea tiko e dua na sorenikau ena yalodra na tamata. Na veika oqo a vaqaqacotaka na noqu ivakadinadina e dina ga ni a sega ni ciqomi na noqu veisureti. Au kila ni sa rawa vei Karisito na ka kecega, kau sa vakavakarau tikoga meu laki kaulotu ka kauti ira mai eso ki Vua kei na Tamada Vakalomalagi.