“E rawa vakacava meu na vakanuinui ka vakavakarau ki na noqu matavuvale mai muri ni sa rui veivakayalolailaitaki o vuravura?”

“Sa vakaroti keda na Turaga meda tubu ka vakatawai vuravura ka yalataka me da taqomaki keda ena veiyalayalati eda sa cakava vata kei Koya. E taucoko na ituvatuva ni Kalou. Au kila ni gauna au vakaluveni kina—kevaka au talairawarawa kina veika sa vakarota vei au o Koya—sa vauci o Koya me vakalougatataki au ka taqomaki au kei na noqu matavuvale me vaka na Nona vuku.”

Ziona O., 16, Awai, Amerika

“Au kunea na inuinui niu vakabauta na Kalou kei na Nona ituvatuva me baleti au. Ni sa veivakayalolailaitaki o vuravura, au na rawa ni gole Vua meu kune vakacegu. Na noqu veivakalougatataki vakapeteriaki ena vukei au meu kila ni kilai au vakavinaka cake na Tamaqu mai Lomalagi mai vei ira kecega ka lomani au. E solia vei au na yalodei ni na vinaka na veika kece.”

Logan A., 16, Texas, Amerika

“E vukei au meu kila ni lomani au na Kalou, e tiko na nona ituvatuva me baleti au, ka na vukei au ena gauna dredre. Ena vukea talega na noqu kila ni noqu veiyalayalati e vauci au vei Karisito ka solia vei au na Nona kaukauwa.”

Lydie L., 18, Utah, Amerika

“Mo rekitaki Karisito, na ivolanikalou, kei na masu. Kevaka eda rawa ni vulica ni vakasama duadua ga e bibi e nona na iVakabula, ena vakarawarawataka vakalevu cake na bula. Na vakatulewa e yavutaki ena nodra nanuma na tamata era tu wavoliti keda ena rawa ni vakasaurarataki keda meda vakatulewa cala.”

Cash P., 16, Utah, Amerika

“E dodonu meda vakararavi vua na Kalou ka bucina e dua na vakasama ni nuinui. E rawa ni da kauta mai na veivakauqeti mai vei ira tale eso era sa vorata rawa na bolebole vata oqori. Vakakina, na maroroi ni ivakaro, vakabibi na lawa ni tiko savasava kei na ivalavala dodonu, ena vakotora e dua na yavu kaukauwa ni kena tarai cake e dua na bula vakamatavuvale se mani vakacava na veisaqasaqa e tautuba.”

Vakalou O., 19, Lagos, Nigeria