Sa Vukei Au na iVakabula Meu Veisau

Droini mai vei Katelyn Budge

Sa vaka tu oqo na mataqu, kevaka au sega ni matadredredre, sa vaka au rairai cudru. Era vakataroga na tamata, “Na cava o mata veveku tu kina? Cava nomu leqa?” Kau na kaya, “Au sega ni mata veveku tu.” Ia na nodra taro e dau vakavu cudru vei au.

A leqataki au o tamaqu. A kacivi au ki na nona rumu ka kaya, “Kila, o sega ni rawa ni maroroya tikoga na ivukivuki ni cudru oqo. Na cava e vakaogai iko tiko?” Au sa mani nanuma meu veisau.

Au a masuta ka tagica na Tamada Vakalomalagi me vukei au. Toso na gauna, au sa tekivu vakila na duidui. Sa lailai na noqu cudru, au dau matadredre vakalevu, ka lomani ira vakalevu na tani. Era kaya kece, “O sa veisau tiko.” Au kila vakatitobu ni sa sega ni mai na noqu kaukauwa ga. Esa mai na kaukauwa veivakarautaki ni Veisorovaki i Jisu Karisito.

Sa dredre mo vakataka na tamata o vinakata mo vakataka. Au sega ni rawa ni kaya niu sa yacova tu, ia au sa segata tiko meu yaco kina. Na noda ilakolako sa dodonu me sala vata kei Jisu Karisito. Sa dodonu meda sureti Koya tu kivei keda.