Na cava na taucoko ni kosipeli?

Christ in Gethsemane [Karistio e Kecisemani], mai vei Dan Burr

Sa kaya na Turaga ni taucoko ni kosipeli sai koya na “veiyalayalati tawavakaiyalayala,” ka sa “tala yani vei ira na luve ni tamata” (Vunau kei na Veiyalayalati 66:2). E oka kina na veika kece e gadrevi vei ira na luve ni Kalou mera curu kina ki na dua na isema ni veiyalayalati kei Koya ka ciqoma na veivakabulai kei na bula vakacerecerei.

Na kosipeli sai koya na “itukutuku vinaka” me baleti Jisu Karisito. Sai koya na “ituvatuva ni veivakabulai ni Kalou, e rawati mai na Veisorovaki i Jisu Karisito. Na kosipeli e okati kina na veidina tawamudu se lawa eso, veiyalayalati, kei na veicakacaka vakalotu e gadrevi vei ira na kawatamata mera lesu tale ki na iserau ni Kalou” (iDusidusi ki na iVolanikalou, “Kosipeli”). E vuqa vei ira na veika oqo era sa yali. Ia oqo, ena ivakatakila vei ira na parofita, tekivu mai vei Josefa Simici, sa vakalesuya tiko mai kina na Turaga na taucoko ni Nona kosipeli.

Ena Vakalesui mai ni taucoko ni Nona kosipeli, sa “sureti keda kece sara o Jisu Karisito meda lako mai Vua kei na Nona Lotu, meda ciqoma na Yalo Tabu, na cakacaka vakalotu ni veivakabulai, ka rawata na reki tudei” (“Na Vakalesui Mai ni Taucoko ni Kosipeli i Jisu Karisito: Ai Vakaro ni Yabaki Ruanadrau ki Vuravura,” Valenivola Vakosipeli).