Ai Tokani Vinaka Duadua

Joel A., yabaki 19, Yerevan, Armenia

Taleitaka na cakacaka ni liga, vola parokaramu ni kompiuta, kei na vulica na veika vou, me vaka na vakasaqa.

Eso na noqu itokani era a saqati au ena maliwa ni yabaki tinikarua kei na tinikalima e koronivuli. Taumada au a sega ni kila nira a veiwalitaki au tiko, ia niu qai kila, au a kurabui kina ka sega ni kila se cava na noqu cala.

Au a nanuma ni kevaka meu cakava na ka ena cakava na Karisito, ena vinaka mai na veika kece. Kau tomana tiko meu dau yalovinaka, vukei ira na noqu lewe ni kalasi ena nodra lesoni, ka vakararavi vua na Kalou, ka nuitaka ni dua na siga au na yaco meu dua na itokani vinaka. Taumada, e a sega ni vaka me veisau edua na ka. Ia niu tekivu ena vuli torocake, era a yaco mera tamata vinaka cake na noqu lewe ni kalasi.

Ka bibi sara, ena loma ni veiyabaki oya niu a vaqara itokani tiko, au a kunea ni noqu itokani vinaka duadua o Jisu Karisito. Au a sega walega ni vakaitokani vou e koronivuli, ia au a kunea talega na noqu iTokani vinaka duadua.