Na Pepa “Dredre”
Au rawa ni kotiva edua na qara ena dua na tiki ni pepa me rawa niu butu yani kina. O sega ni vakabauti au? O nanuma ni sega ni rawa? Au yalataka, ni sega ni ilawaki. E rawa ni o vakayagataka na lesoni ivakaraitaki oqo mo vakavulica ki na nomu kalasi, kuoramu, se matavuvale me baleta na vakararavi vua na Kalou ni tiko na nomu taro—o ira sara mada ga e “dredre”.
-
Taroga na nomu ilawalawa se era vakabauta ni rawa nio kotiva edua na qara ena dua na tiki ni pepa me ka levu me rawa ni curu kina edua na tamata. Eso, era na sega ni vakabauti iko.
-
Wilika na Josefa Simici—Ai Tukutuku 1:23–25. Vakamacalataka ni vuqa na tamata era a sega ni vakabauta ni a rawa vei Josefa Simici me raica edua na raivotu. Ia a kila o koya ni a ka dina.
-
Gauna me kotivi kina na qara!
-
Lobika veimama vakabalavu na pepa.
-
Tekivu kotikoti ena kena ilobi, kotiva vakadodonu cake na vei mua yadua ni pepa, ia mo cegu ni bera ni o yacova na batibatina.
-
Veisau mai na dua na yasana ki na dua tale, ka tomana tikoga na kena kotivi na tikinipepa (ka cegu ni bera ni yacovi na batibatina!).
-
Kua ni kotiva na rua na ilobi e tutuna ruarua, kotiva ga na ilobi e loma.
-
Dolava, ka ona kunea—e dua na qara levu mo curu kina!
-
-
Veivosakitaka me baleta walega ni dua na ka e veilecayaki se dredre, e sega ni kena ibalebale oya ni sega ni dina. A raici Tamada Vakalomalagi kei Jisu Karisito vakaidina o Josefa Simici.
Ena so na gauna ena bolei beka na nomu vakabauta mai vei ira na tani, se o sotava eso na taro veilecayaki. Ni yaco oqo, vakasamataka sara na pepa “dredre”. Vakatulewataka mo nuitaka na Kalou ka gole Vua kei na ivurevure vinaka tale eso me baleta na isau ni taro.
“Na vakabauta sa ikoya na vakanuinuitaki ni ka e sega ni rairai, ia era ka dina. … Vakatitiqataka na nomu vakatitiqa ni bera ni o vakatitiqataka na nomu vakabauta.”