“Meu na rawata vakacava e dua na ivakadinadina e kaukauwa cake me baleti Josefa Simici kei na Veivakalesui mai?”

“E dua na ka au cakava meu vaqaqacotaka kina na noqu ivakadinadina ni Veivakalesui mai o ya meu wilika na itukutuku ni imatai ni raivotu ena veibogi ni bera na moce. Niu wilika na nona sereki o Josefa ka tucake tu ena iserau ni Kalou, au vakila niu voleka sara ki na rarama ni Kalou, ka na vukei au meu kila ni sa tiko e ke o Koya.”

Eve T., 16, Chorley, UK

“Niu kila ni se sega na noqu ivakadinadina me baleti Josefa Simici, au sa tekivu meu wilika na Ira Na Yalododonu. Au qai kila na kaukauwa kei na veivakurabuitaki ni veika a sotava o Josefa. Au vakila talega na Yalotabu ni tiko vata kei au ena noqu masulaka na iVola i Momani. Au sa tekivu vukei ira na daukaulotu, ia oqo au sa sega ni tarova rawa na noqu vakadinadinataki Josefa Simici kei na Veivakalesui mai vei ira na tamata.”

Abish N., 18, Negros Oriental, Filipaini

“A tukuna vei keda na parofita meda vulica na bula i Karisito me vukei keda me dua noda ivakadinadina me baleti Koya kei na Nona Veisorovaki. E tautauvata vei Josefa Simici. Niu vulica na nona bula, au na rawata edua na ivakadinadina e kaukauwa cake me baleta na Veivakalesui mai kei Josefa na imatai ni parofita ni noda itabagauna. Au rawa talega ni kila vakavinaka cake na vuna me vakalesui mai kina na Lotu i Jisu Karisito.”

Asher W., 17, Louisiana, Amerika

“Cakava na ka a cakava o Josefa ka kerekere vua na Kalou! Mo vosota; ena yaco mai na kena isau.”

Anna W., 17, Colorado, Amerika

“Na masu sa sala rawarawa duadua me rawati kina edua na ivakadinadina kei Josefa Simici kei na Veivakalesui mai. Sa sauma na Turaga na masu oqo me baleti au kei ira e vuqa tale—ka na cakava vakakina vei iko. Vulica talega na nodra ivakadinadina kaukauwa na ivakadinadina eso ena iVola i Momani.”

Andrew N., 18, Washington, Amerika