Ivan B.

iTaba mai vei Ashlee Larsen

Oi au duadua ga na lewe ni Lotu i Jisu Karisito ni Yalododonu Edaidai ena noqu koronivuli. Dua na gauna ena dua na soqo ni siganisucu, era a tekivu gunu na noqu itokani. Au a sega ni logalogavinaka ka mani gole i vale. Nira taroga se cava au biubiu totolo kina, au a kaya niu sega ni dau gunu kau sega ni logalogavinaka. Era a sega ni taleitaka na isaunitaro oya ni a vaka me a duatani vei ira. Ia ni toso na gauna, e vaka mera sa qai ciqoma na noqu itokani.

Dua tale na gauna, a kerei au na noqu qasenivuli meu wasea e dua na lesoni vakaiyaloyalo me baleta na Lotu. E levu vei ira na noqu lewe ni kalasi era a vakatataro, kau vakila ni vaka me veivakavulici tiko o Jisu Karisito mai vei au. Ni ko wasea na nomu ivakadinadina, mo kakua ni rerevaka na nodra nanuma na tani. Kevaka o vakararavi vua na Turaga, ena vukei iko o Koya mo kila na ka mo tukuna.

Au vinakata meu lai kaulotu me rawa niu kauti ira mai eso tale na tamata vei Karisito. Au vakabauta ni a vakacolata vei Koya Vakaikoya na iVakabula na ivalavala ca ni kai vuravura. E rawa nida vakasoqoni Isireli ka sureti ira na tamata kecega me ra lako mai Vua.