Au Kunea na Dredre ena vuku ni Kequ iRairai

Ena koronivuli torocake au a sotava e levu sara na dredre me baleta na noqu raici au vakai au kei na noqu tovolea meu ciqomi. Au dau tovolea meu vakaukauwa yago me duatani na kequ irairai, ia au a sega ni marautaka na veika au dau raica ena iloilo.

Sa qai ciqoma o tuakaqu yalewa na nona veivakalougatataki vakapeteriaki, kau sa tekivu vakasamataka meu ciqoma tale ga na noqu. Au sa yabaki 12 tiko, ka taumada au a nanuma niu se gone sara. Ia au a masu ka vosa vei noqu bisopi, kau vakila ni donu.

Na noqu veivakalougatataki vakapeteriaki a vakananuma vei au ni kilai au tiko na Tamada Vakalomalagi ka kila o Koya na dredre au sotava tiko. E kila o Koya na yacaqu. E tu vakarau o Koya me vukei au kevaka walega au yalorawarawa meu kerea na Nona veivuke.

Ena so na gauna ona rairai raici iko ka nanuma nio sega soti ni totoka me vaka na ivakatagedegede ni vuravura. Ia au a vulica vakai au ni rai ni Kalou me baleti au e bibi cake mai na nona rai edua tale. Ka kevaka au kila ni Kalou e raici au me vaka niu Luvena yalewa, oqori ga na ka au gadreva.