Te pāpie « māere mau »
E nehenehe au e tāpūpū i te hō’ē ’āpo’o i roto i te hō’ē noa ’api parau, rarahi maita’i ’ia nehenehe ’ia ō atu i roto. ’Aita ’oe e ti’aturi ? Tē mana’o nei ’oe ē, e mea māere mau ? Tē parau atu nei au e ’ere i te ’ohipa ha’uti. E nehenehe ’oe e fa’a’ohipa i teie ha’api’ira’a tao’a nō te ha’api’i i tā ’oe piha tamāhine, tā ’oe pupu autahu’ara’a ’aore rā tō ’oe ’utuāfare nō ni’a i te ti’aturira’a i te Atua ’ia hiti ana’e mai te mau uira’a—terā ato’a te « mea māere mau ».
-
’A ui i tā ’oe pupu, tē ti’aturi ra ānei rātou e nehenehe ’oe e tāpūpū i te hō’ē ’āpo’o i roto i te hō’ē pāpie, rarahi maita’i nō te fa’aō i te hō’ē ta’ata i roto. Pāpū maita’i e’ita vetahi e ti’aturi mai.
-
Tai’o Iosepha Semita—’Ā’amu 1:23–25. ’A fa’ata’a atu ē, e rave rahi ta’ata tei ’ore i ti’aturi ē e ti’a ia Iosepha Semita ’ia fa’ari’i i te hō’ē ’ōrama. ’Ua ’ite mau rā ’oia e parau mau te reira.
-
E taime ïa nō te tāpūpū i te ’āpo’o !
-
E tūfetu ’afa i te pāpie nā te tītārava.
-
Ha’amata i tā ’oe tāpūpūra’a nā ni’a i te tūfetura’a, e tāpūpū māti’a i nā hope’a e piti o te pāpie, ’eiaha rā e haere roa i te hiti.
-
’A hurihuri i te pāpie ma te tāpūpū māti’a noa (’eiaha e tāpūpū hope roa !).
-
Ma te ha’apae i nā hope’a, ’a tāpūpū nā te roa i ni’a i te tūfetura’a o te pāpie.
-
’A fefeu i te reira, ’e terā ïa—e ’āpo’o rarahi maita’i nō te ō i roto !
-
-
’A ’āparau i te mea ē, e ’ere nō te mea e ’ohipa ta’a ’ore ’e te huru māere, e ’ere ïa i te parau mau. ’Ua ’ite mau Iosepha Semita i te Metua i te ao ra ’e ia Iesu Mesia.
Pēnei a’e i te tahi taime e tāmatahia tō ’oe mau ti’aturira’a e vetahi ’ē ’aore rā e fārerei atu ’oe i te mau uira’a fa’atupu ’āhuehue. ’Ia tupu ana’e mai te reira, ’a feruri i te pāpie « māere mau ». ’A fa’aoti e ti’aturi i te Atua ’e ’ia fāriu atu i ni’a iāna ’e i te tahi atu mau mātēria maita’i nō te pāhonora’a.
« Te fa’aro’o ’o te tīa’i ïa i te mau mea ’ite-’ore-hia, ’o tē vai nei rā […] ’A tapitapi nā mua i tō ’outou mau mana’o tapitapi hou ’a tapitapi ai i tō ’outou fa’ara’a ».