E hoa rahi mau

E mau hoa tō’u tei ’enemi mai iā’u i rotopū i te piha maha ’e te piha toru. I te ha’amatara’a ’aita roa vau i ’ite noa a’e tē fa’ao’ō’o nei rātou iā’u, i tō’u rā ’itera’a, ’ua hitimahuta vau ’e ’aita vau i ta’a i hea vau i te hapera’a.

’Ua mana’o vau ē, mai te peu e rave au i te mea tā te Mesia e rave, e maita’i mai te mau mea. Nō reira, ’ua tāmau noa vau i te hāmani maita’i, i te tauturu i tō’u mau hoa ha’api’ira’a nō tā rātou ’ohipa ha’api’ira’a ’e ’ia tūru’i i ni’a i te Atua, ma te ti’aturi ē ’ia tae i te hō’ē mahana e ’itehia mai iā’u te hoa maita’i. I te ha’amatara’a, e au ra ’aita e tauira’a. I muri a’e rā, i te ha’amatara’a vau i te ha’api’ira’a tuarua, ’ua riro mai tō’u mau hoa ha’api’ira’a ’ei ta’ata maita’i a’e.

Hau atu te faufa’a, i roto i te reira mau matahiti ’a ’imi ai au i te mau hoa, ’ua ’itehia mai iā’u ē, ’o Iesu Mesia tō’u hoa rahi roa a’e. Nō reira, ’aita vau i fa’ahoa noa mai i te mau hoa ’āpī i te fare ha’api’ira’a, ’ua fa’ahoa ato’a mai rā vau i te hoa rahi roa a’e nō’u.