Ivan B.

Hōho’a nā Ashlee Larsen

’O vau ana’e te melo nō Te ’Ēkālesia a Iesu Mesia i te Feiā Mo’a i te mau Mahana Hope’a nei i tō’u fare ha’api’ira’a. I te hō’ē taime, i te hō’ē ’āru’i ’ōro’a fānaura’a, ’ua ha’amata tō’u mau hoa i te inu. ’Ua au ’ore roa vau ’e ’ua ho’i i te fare. I tō rātou uira’a mai e aha te tumu vau i reva ’oi’oi ai, ’ua pāhono atu vau ē, ’aita vau e inu nō reira ’aita vau i au roa. ’Aita rātou i au roa i terā parau ’e ’ua huru ’ē rātou. I te roara’a rā o te tau, ’ua fāri’i tō’u mau hoa i te reira.

I te tahi atu taime, ’ua ani mai tō’u ’orometua ha’api’i ’ia fa’a’ite mai i te hō’ē vauvaura’a PowerPoint nō ni’a i te ’Ēkālesia. E rave rahi uira’a tā tō’u mau hoa ha’api’ira’a, ’e mai te huru ē, tē ha’api’i ra Iesu Mesia nā roto iā’u. ’Ia fa’a’ite ana’e ’outou i tō ’outou ’itera’a pāpū, ’aita e faufa’a e mata’u i te mea tā vetahi ’ē e mana’o. Mai te mea e ti’aturi ’outou i te Fatu, e tauturu mai ’oia ia ’outou ’ia ’ite e aha tē parau atu.

Tē hina’aro nei au e haere i te misiōni ’ia ti’a iā’u ’ia ’āfa’i mai i te tahi atu mau ta’ata i te Mesia. Tē ti’aturi nei au ē , ’ua rave te Fa’aora i te mau hara a tō te ao nei i ni’a iāna. E nehenehe tātou e ha’aputuputu ia ’Īserā’ela ’e e ani i te mau ta’ata ato’a ’ia haere mai iāna ra.