Rore i tā’u mau uira’a nō ni’a i te ’ā’amu o te ’Ēkālesia

I roto i tā’u piha ha’api’ira’a pāpa’aparau, ’ua ha’amata tō’u ’orometua i te paraparau nō ni’a i Te ’Ēkālesia a Iesu Mesia i te Feiā Mo’a i te mau Mahana Hope’a nei. ’Aita tāna mau parau i te parau fa’ahiahia nō ni’a i te ’Ēkālesia. I parau ’oia ē, e ta’ata vahine rau tātou ’e te tati nūna’a ’ē.

’Ua māramarama maita’i au i te mau mea ato’a tā’u i ha’api’i nō ni’a i te ’Ēkālesia nā mua atu. Terā rā, ’ua fa’aferuri mai terā ’ohipa i roto i te piha ha’api’ira’a i te tahi mau tumu parau fifi nō te ’ā’amu o te ’Ēkālesia, mai te tumu ’aita te ’ere’ere i fa’ati’ahia ’ia mau i te autahu’ara’a i te hō’ē tau, ’e nō te aha te fa’aipoipora’a vahine rau i tupu ai.

Nō reira, ’ua ha’amata mau vau i te feruri, i te ’imi hōhonu ’e i te pure. ’Ua tai’o vau i roto i te mau pāpa’ira’a mo’a, ’ua paraparau vau i tō’u nā metua ’e i tō’u feiā fa’atere, ’e ’ua ha’api’i rahi atu ā nō’u iho nei. Noa atu ā tā’u mau uira’a, ’aita vau i fa’aru’e, ’e ’aita ato’a vau i fati.

’A ’imi noa ai au ’e ’a ha’api’i noa ai, mai te huru ē tē amohia ra vau. ’Aita vau i māramarama hope i te mau mea ato’a, ’ua tae mai rā te hau.

I teienei, e uira’a ana’e tā’u, e tāpe’a noa vau i ni’a i te mea tā’u i ’ite a’ena, te mau ’ohipa ato’a i tupu tei tauturu i te pa’epa’e i tō’u ’itera’a pāpū. ’Ia ū vau i ni’a i te hō’ē uira’a, ’o te pure tā’u e fāriu nei, ’ei reira vau e tāmata ai i te fa’aro’o i te Vārua ’a tai’o noa ai i te mau pāpa’ira’a mo’a.

I te matahiti i ma’iri a’enei, ’ua ’ite ana vau i te mana o te Vārua, ’e ’ua putapū vau i te hau ’e te tāmāhanahana ’e te here. ’Ua ’ite au ē, tē vai mau nei te Atua e paraparau nei ia tātou ’e ’o tē hina’aro nei ’ia manuia tātou i te ho’i i te fare.