M̧wen̄an eo an Ālkin Rālep in Jabōt
Jeje Ko Rekwojarjar—rej Pedped in Tōmak
Jidik in kōnono in
Lio pāleō, Mary, im n̄a kiiō epaak kar lo juon jiiln̄ij kōn juon pija in juon bok im juon ennaan itum̧aani ej riit, “Books: The Original handheld Device.” …
Men̄e kōm̧m̧an in pā ak digital, Baibōļ eo Kwojarjar im Bok in Mormon: Bar Juon Kallim̧ur kōn Jisōs Kraist rej letok tōl ilo jetōb im katak jān Jisōs Kraist, Rilo̧mo̧o̧r eo an laļ. …
Āinwōt aō kar ba, eaar em̧m̧an ippa meļele eo kōn kein katak eo jinointata kwoj kabjōre—juon bok. Mekarta, ij kile aorōk eo ekabwilōn̄lōn̄ an intōrnet ilo laļ rainin. … Intōrnet ej juon kein jerbal eo ekajoor n̄an ekkatak gospel in. Rainin, elōn̄ armej rej kwaļo̧k eoon ko ippān ro m̧ōttaer kōjerbal technology. …
Jeje ko rekwojarjar rej katakin kōj n̄an kōjerbal ekajet im māletlet ilo aolep men otemjeļo̧k. Intōrnet maron̄ kōjerbal ilo juon wāween em̧m̧an ak juon wāween n̄an kakkure. …
… Jab ļōmņak in lale pija ko renana, rejjab m̧ool, ak jab jim̧we. … Kobrak mour eo am̧ kōn aitia ko rem̧m̧an, rejim̧we; lan̄lōn̄; limo bōtaab joļo̧k men ko rōbwebwe. Ewōr juon oktak. … Ilōn̄ in aolep, lukkuun ajeļo̧k eok make iien otemjej ilo Bok in Mormon, eo enaaj kan̄ōltok Jetōb eo n̄an mour eo am̧ im jipan̄ eok kile m̧ool eo jān bōd eo.
Kapilōk eo aō n̄an ro me raar ilo jabdewōt wāween raar irļo̧k jān iaļ in bujen eo ej n̄an bar ro̧o̧lļo̧k n̄an jeje ko rekwojarjar, tōl an rikanaan, niknik mour kōn pedped an gospel eo ilo m̧we, im al in tōmak. Aolep jetōb rej aorōk n̄an Irooj. Kōmij aikuj kom̧! Irooj ej aikuji eok, im kwoj aikuji E! Kwonaaj aolep iien ruwainene.