M̧wen̄an eo an Jibbon̄ in Jādede
“En̄in Ej Gospel eo Aō”—“En̄in Ej Kabun̄ eo Aō”
Jidik in kōnono in
Āinwōt an taanm̧ait makeļok iaan jān nitroglycerin jab kepaļpaļ, Kabun̄ eo an Rilo̧mo̧o̧r eo ej jeņoļo̧k wōt eļan̄n̄e ej ekkal ioon gospel eo An. N̄e ejjab gospel eo an Rilo̧mo̧o̧r im mālim eo n̄an jerbale kain̄i ko, Kabun̄ in eban kar jej uwaan.
N̄e eaar jab jerbal kieselguhr, nitroglycerin en kar ejjeļok tokjen āinwōt juon kein kabbokļo̧k. Ilo an bwebwenato kwaļo̧k, n̄e ejjab Kabun̄ eo an Irooj, jeļā eo an armej kōn gospel eo en kar jab jejjet— ilo an pidodo n̄an an jakoļok kōn katak ko im kōm̧m̧an menin an wōr bujin tōmak, manit ko, im meļeļe ko. …
Kabun̄ eo an Jisōs Kraist im Armej ro Rekwojarjar ilo Raan Ko Āliktata ej letok kajoor eo an Anij kōnke E ekar kōmālimi n̄an katakin katak eo an Kraist im leļo̧k lo̧moor an gospel im kain̄i ko reutiejtata. Rilo̧mo̧o̧r eo ej akweļap in jeorļo̧k jerawiwi ko ad, jipan̄ kōj bōk kajoor eo An, im ukōt kōj. E ekar en̄taan kōn jerowiwi ko ad im kōņaan kanemkwoj kōj jān kaje ko jen kar buki im jej tello̧ke. Ekōņaan bwe jen ekwojarjar im weeppān ilo E. …
N̄aij karuwainene eok bwe en ļapļo̧k am̧ aje ļo̧k kwe n̄an Rilo̧mo̧o̧r, gospel eo An, im Kabun̄ eo An. Ilo am̧ kōm̧m̧ane men in, kwonaaj loe bwe koba in gospel eo an Rilo̧mo̧o̧r im Kabun̄ eo An rej boktok kajoor n̄an mour eo am̧. Kajoor in ekajoorļo̧k jān taanm̧ait. Enaaj rupe dekā ko ilo iaļ eo am̧, ukōt eok n̄an juon rijolet ilo aelōn̄ an Anij. Im kwonaaj obrak kōn m̧ōņōņō eo epen kōnono kake im eobrak kōn wōj” [Hilamōn 5:44].