M̧wen̄an eo an Jibbon̄ in Jabōt
O Jodikdik in M̧aanje Ejenolo̧k
Jidik in kōnono in
Maron̄ ko Ļotaktok Kaki! … Ej juon naan in kipel. Ak ta meļeļe in? …
… Jej kōnono kōn jolet eo kwoj bōke āinwōt juon rijolet ippān kōn bujen jemjera eo kwoj kāālete n̄an delo̧n̄e Ippān im Jemam̧ ilo Lan̄. …
Ļōmņak kake! Anij ej lōke kwe—ilubwiljin aolep armej ro ioon laļ in, ajiri in bujen eo, ro uwaan kumi eo An—n̄an jipan̄ kōn jerbal eo An n̄an bōktok aolep ajri ro Nejin n̄an kapijuknen Ippān. …
… Kom̧ jodikdik ro rej kōm̧anm̧an ilo nemāme in Irooj. Bujen jemjerā eo am̧ ippān Anij im Jisōs Kraist ej juon jemjerā in iakwe im lōke eo kwoj maron̄ bōk juon jon̄o̧k eļapļo̧k kōn Jouj eo Aer—jipan̄ eo Aer ekwojarjar, menin letok eo ekwojarjar kōn kajoor, im kajoor in kōmaron̄ eo. Kajoor jab in ejjab baj juon kōņaan elmakote naaj waļo̧k, juon kein kōjōban, ak kanaan an juon make. Ej m̧ool in.
Ilo am̧ kakūrm̧ool eddo ko kwar ļotak kaki, kwoj jamin make iaam̧. … Kwoj jerbal aeran doon ippān Jisōs Kraist. Ilo kajojo bujen kāāl ko—im ilo an jemjerā eo am̧ Ippān m̧wilaļļo̧k—edimļo̧k ami dāpij doon m̧ae iien ej kajoor ami dāpdep ippen doon. Ilo kakōļļe kwojarjar eo kōn jouj eo An, kwonaaj lo jim̧or ikdeelel eo im kajoor eo n̄an lukkuun mour ilo jekjek eo Rilo̧mo̧o̧r eo kar mour—oktak jān laļ in. Kwar bōk menin kōnke Jisōs Kraist ej rejetake eok! …
… Kwon jab kōtļo̧k an laļ in ukōt eok n̄e kwar ļotaktok n̄an ukōt laļ in.