M̧wen̄an eo an Jibbon̄ in Jabōt
Ej Alikkar Katak eo an Jisōs Kraist
Jidik in kōnono in
Naan in Anij ej katak eo kar kwaļo̧ke jān Jisōs Kraist im jān rikanaan ro An. …
… Katak in ej bwe tōmak ilo Irooj Jisōs Kraist, ukweļo̧k, peptaij, im bōk menin letok eo an Jetōb Kwojarjar, im niknik n̄an jem̧ļo̧kin ej kōjeram̧m̧an aolep ajri ro nejin Anij.
Ilo ad katakin pedped kein n̄an ro jej iakwe er, Jetōb Kwojarjar enaaj jipan̄ kōj jeļā m̧ool eo. Kōnke jej aikuji im̧we ko an Jetōb Kwojarjar, jej aikuj kattoļo̧k kajidede ak meļeļe ko ad make me reļā itulikin katakin katak ko rem̧ool.
… Juon iaan wāwein ko relukun jejjōt n̄an ad jab maron̄ kepaakļo̧k katak ko rejjab m̧ool ej ilo ad kāālet n̄an ļam waan ilo ad katakin. …
Katakin ilo ļam waan ej kōm̧m̧an bwe jen kwaļok kōn katak ko kōn lomo̧o̧r ilo tum̧akaj, ilo an ajiri ro jan̄in ioon kapo ko jān ri riab eo im naaj jelm̧ae er tokālik, m̧oktaļo̧k jān an m̧ool ko rej aikuj ekatak kaki makkunļo̧k kōn kauwaron̄ron̄ ko jān social media, ro m̧ōttaer, im apan̄ ko aer make. …
Ilo ad kōm̧m̧ane ijo em̧m̧antata n̄an katakin ro jej iakwe er kake katak ko an Jisōs Kraist, ewōr ro im remaron̄ jab ron̄jake. Pere emaron̄ jiktok ilo buruōm̧. … Jab leļo̧k am̧ n̄an kain pere rōt in. Oktakļo̧k n̄an Anij kōn jipan̄. …
… Konaaj niknik im jeļā kijenmej. Innām konaaj jeļā bwe em̧ōj am̧ kōm̧m̧ane aolep men komaron̄ n̄an jipan̄ ro kwoj iakwe er im ro kwoj jar kake er n̄an jelm̧ae Setan ilo an kajjeon̄ ukot iaļ eo aer.