M̧wen̄an eo an Ālkin Rālep in Jabōt
Irooj Jisōs Kraist Enaaj Bar Itok
M̧eļeļe ko litok n̄an kōnono in
Irooj ej ilo m̧ool kōm̧ōkajļo̧k jerbal eo An.
Etke jej kalōk tampeļ ko ilo iien rōt in? Etke? Kōnke Irooj eaar jiron̄ kōj n̄an kōm̧m̧ane. Kōjeraam̧m̧an ko an tampeļ rej jipan̄ aiintok Israel jim̧or ilo ron̄ol nuknuk eo. Kōjeraam̧m̧an kein rej barāinwōt jipan̄ n̄an kōpooj juon armej eo enaaj jipan̄ kōpooj laļ in n̄an Itok Eo Kein Karuo an Irooj! …
En̄in ej kallim̧ur eo aō n̄an kom̧: Aolep ro rej pukot Jisōs Kraist ilo m̧ool naaj lo E ilo tampeļ eo. …
Iaar jeļā bwe kajjitōk eo ad eļļap im kōj kajjojo aikuij uwake ej en̄iin: N̄an wōn ak ta inaaj leļo̧k mour eo aō?
Jokāālet eo aō n̄an ļoor Jisōs Kraist ej kālet eo aorōk tata ikar kōm̧m̧ane. … Ekar barāinwōt jipan̄ eō dibuk ļan̄ ko an mour. …
Ij libūjerjere kom̧ n̄an joļo̧k jidik iien kajjojo wiik—ilo aolepān mour eo am̧—n̄an kōļapļo̧k meļeļe eo am̧ kōn Pinmuur eo an Jisōs Kraist. …
Jisōs Kraist ekar bōk Ioon Make jerawiwi ko am̧, metak ko am̧, būrom̧ōj ko am̧, im m̧ōjņo̧ ko am̧. Kwojjab aikuj ineeki make iaam̧! …
Ejjab lukkuun m̧ōkaj ak lukkuun rum̧wij n̄an am̧ erom̧ juon rikaļoor eo etiljek an Jisōs Kraist. …
Men eo em̧m̧antata ej itok wōt, ro jeiū im jatū, kōnke Rilo̧mo̧o̧r eo ej bar itok! Men eo em̧m̧antata ej itok wōt kōnke Irooj ej kōm̧ōkajļo̧k jerbal eo An. Men eo em̧m̧antata ej itok wōt ilo ad lukkuun ukōtļo̧k būruwōd im mour ko ad n̄an Jisōs Kraist.