M̧wen̄an eo an Jibbon̄ in Jādede
Mour n̄an Kakūrm̧ool Men ko Tōllo̧kim
Jidik in kōnono in
Kain̄i ko an priesthood eo im bujen kallim̧ur ko rej kōtļo̧k an Anij kakwojarjar kōj im kōm̧m̧ane jerbal ko rōkabwilōn̄lōn̄ ilo mour ko ad. Ak ewi wāween an menin bōk jikin?
Juon, bwe juon kain̄i en kakūrm̧ool kajoor eo an Anij ilo mour ko ad, ej aikuj kōm̧m̧an kōn mālim eo jān eo Nejin Anij. …
Kein karuo, jejjab baj kōm̧m̧ani wōt bujen kallim̧ur ko—jej aikuj in kōjparoki. …
Ilo an kar Rikanaan eo Josep kar bōk katakin jipan̄ ikijien kii ko, opiij ko, kain̄i ko, im wāween jipan̄ ilo jerbal eo an priesthood, Irooj Make, ilo rikanaan eo An, ekar leļo̧k juon revelesōn n̄an Emma. …
Eļan̄n̄e jenaaj lukkuun riiti jekjōn 25, jej loe wōnm̧aanļo̧k eo aruōk ej bōk jikin. Emma enaaj kar oktak jān juon eo Nejin ilo aelōn̄ in lan̄ n̄an “juon kōrā in kāālet” n̄an juon lerooj. Kain̄i ko an Priesthood eo an Aaron im Melchizedek, kobaļo̧k ippen kejparok bujen kallim̧ur ko an, rekar kōļapļok jemjerā eo an ippen Jetōb eo im ippen enjeļ ro, ilo an kajoorļo̧k n̄an dibuk mour eo an kōn tōl eo ekwojarjar. …
… En̄in ej ta eo ij kōņaan bwe jabdewōt leddik ilo kabun̄ in ren meļeļe.
“Mour n̄an Kakūrm̧ool Men ko Tōllo̧kim.”
Katak wāween an kain̄i ko an priesthood im bujen kallim̧ur ko naaj kōtļo̧k kajoor an Anij n̄an ibweeb ilo mour eo am̧ kōn eļapļo̧k tōbrak, jerbal ilo eok, n̄an kōkajoor im kepooj eok n̄an tōpar aolep am̧ kōttōpar im maron̄. …
Ewōr ippād aolep maron̄ eo n̄an bōk menin letok in kajoor an Anij.
Aolep iien jej bōk kwojkwoj eo.
Aolep iien jej deļo̧n̄e kōjem in juon tampeļ.
Men eo in ekar kam̧ōņōņō Jabōt eo aō. En̄in wūnin aō kaorōk pepa in mālim in deļo̧n̄e tampel eo aō.
“Ilo kain̄i ko ie, kajoor in āinwōt anij ej waļo̧k.” [Katak im Bujen Ko 84:20].