M̧wen̄an eo an Ālkin Rālep in Jādede
Kalbwin Kein Tariņae in Jum̧ae ko Ad
Jidik in kōnono in
Jum̧ae emaron̄ m̧ool ak bajjōk. …
Bōlen wāwein eo ej ļapļo̧k an etao ilo jum̧ae Anij, ijoke, ej ilo wāwein eo e waan j—kajejtokjān Ankilaan ilo mour ko ad. Elōn̄ ro rej jāmin naaj ļōmņak in jum̧ae remaron̄ wōt jab errā kake ankilaan im naan an Anij ilo aer jibadōk iaļ eo aer make ilo ejjeļo̧k kōļmenļo̧kjeņ n̄an tōl eo ekwojarjar. …
Jāje ko im kein tariņae ko jet me riLeman ro raar oktak rekar kalbwin kein tariņae ko an jum̧ae kōnke wāween kilen kōjerbali. Ejja kain kein tariņae ko ilo pein ļaddik ro nejier, ilo aer kōjerbali n̄an bōbrae baam̧le im anemkwoj, rekar jab kein tariņae ko in jum̧ae ņa Anij. …
Ilo ejja wāween in wōt, ewōr men ko ilo mour ko ad im remaron̄ neutal ak aaet em̧m̧an ijoke rej kōjerbal ilo wāween eo ebwōd im rej erom̧ “kein tariņae in jum̧ae.” …
… Eļan̄n̄e ad iakwe n̄an Anij im jibadbad eo ad n̄an jerbal n̄an E kōn aolepān ad maron̄, ļōmņak im kajoor ej erom̧ men eo eaorōkļo̧k eo im jej ekajete men otemjej im kōm̧m̧ani aolep kāālet ko ad, jenaaj aikuj kar kalbwin kein tariņae in jum̧ae ko ad. Kōn tūriam̧o̧ an Kraist, Anij enaaj jeorļo̧k bōd in jerawiwi ko ad m̧okta im naaj bōkļo̧k jabdewōt māār in jerawiwi ko im jum̧ae ko jān būruwōd. …
Kalbwin kein tariņae in jum̧ae ko ad ej tōlļo̧k n̄an juon m̧ōņōņō eo ejenolo̧k. … Jen kalbwin—lukkuun, lukkuun ilo m̧wilal—jabdewōt menin jum̧ae ņae Anij ilo mour ko ad n̄an bōk jikier kōn juon kōņaan ilo bōro im ļōmņak.