M̧wen̄an eo an Jibbon̄ in Jādede
Ļoor Kraist
Jidik in kōnono in
Ļoor Kraist ejjab juon men bajjek ak iminene. Ej juon kien me ej wōnm̧aanļo̧k wōt im wāween mour bwe aikuj in tōl kōj ilo aolep iien ko im ilo aolep jikin ko. Katak ko im waanjon̄ak ko An rej kōmeļeļeiki iaļ eo n̄an aolep rikaļooran Jisōs Kraist. …
Kien ko an Anij rej letok kajoor in tōl im jokane ilo mour ko ad. …
Bar juon iaan katakin ko an Rilo̧mo̧o̧r eo eaar aikuj in bar kōketak kake ilo jekjek ko rej waļok ilo raan kein ad.
Juon in iien n̄an elōn̄ naan ko reppen im rekōmetak ilo kenono ko n̄an doon iketaan ro ilọbwilej im bareinwōt jet iien ilo baam̧le ko ad. …
Ta eo rikaļoor ro an Kraist rej aikuj in katakin im kōm̧m̧ane ilo iien ekenono ko rebaijin? Ta katak im waanjon̄ak ko An? …
… Jej aikuj in iakwe im kōm̧anm̧an em̧m̧an n̄an aolep. Jej aikuj in joļo̧k jum̧ae im erom̧ rikōm̧m̧an aeņōm̧m̧an ro ilo aolep iaļan leto letak meļeļe. Ejjab meļeļein n̄an kakoņ pedped in katak ko ad im men ko raorōk ak n̄an kabōjrak eddo in kakkure ro jet. En̄in ej ta eo Waanjon̄ak eo ad eweepān ekar kōm̧m̧ane ilo tōrein jerbal in kwaļo̧k eo An. En̄in ej waajon̄ak eo E eaar likūt n̄an kōj ke Eaar karuwainene kōj n̄an ļoore E. …
Āinwōt rikaļoor ro an Kraist, kōtļo̧k bwe jen katakin im kam̧ool kōn Jisōs Kraist, ad Waanjon̄ak eo Eweepān. Jen ļoore E ilo joļo̧k jum̧ae. Ilo ad jipadek kakien ko ad jekōņaan ilo jerbal ko an lo̧bwilej, jen karbab n̄an kōjeraam̧m̧an ko An ilo wāween m̧wil im naan ko an rikōm̧m̧an aeņōm̧m̧an ro. Ilo baam̧le ko ad im jemdo̧o̧n ko jet ad make jen eļļo̧k jān ta men ko rej lāj im nana.