M̧wen̄an eo an Ālkin Rālep in Jabōt
“Lo N̄a Ij Meram eo Kom̧ Naaj Kotak Lōn̄ļo̧k”
Jidik in kōnono in
Rilo̧mo̧o̧r eo ejjab jako jān iaļ ko ad ilo mour in. … Iien im bar iien, kōn iakwe eo An erreo im tūriam̧o kake, E ej rie kōn̄ ilo ad jelm̧ae tarpok an mour. …
Iakwe eo ej alikkar n̄e jej rie doon ilo jerbal eo An.
Jaar rejetake rikanaan eo ad emour rainin ilo kweļo̧k eo eļap, im Būreejtōnji eo Kein Kajuon, Douluul eo an Jon̄oulruo Rijilōk ro, Routiej ro an Kabun̄ in, im Opiija ro an Kabun̄ in. N̄an rejetak ej meļeļe n̄an kotak lōn̄ļo̧k juon armej, n̄an leļo̧k ad n̄an er, n̄an tiljek wōt ilo lōke eo aer, n̄an ļoor naan ko aerr. Rej ekōnono jān im̧we an Irooj, remeļeļe apan̄ ko rej waļo̧k kiiō, an dikļo̧k an armej mour ereo im an rijum̧ae e ļapļo̧k kijejeto ko an n̄an bōbrae karōk eo an Anij. Ilo kotak lōn̄ļo̧k pā ko peid, kōjwōj ej wujlepļo̧k ad jipan̄, ejjab ilo iien in wōt ak ilo kajojo raan in ad mour. ….
… Jej kotak lōn̄ļo̧k meram eo an Irooj eļan̄n̄e jej dāpiji wōt bujen ko ad im ilo ad rejetak rikanaan eo ad emour rainin āinwōt ke ej kenono naan ko an Anij. …
N̄an kotak lōn̄ļo̧k rikanaan eo ej juon jerbal in ekwojarjar. Jejjab jijet ikōn̄ wōt ak elwetak im jojomar kake e, ļoor kapilōk eo an, katakin naan ko an, im jar kōn e. …
Ro jeiū im jatū, ej aikuj in ļapļo̧k ad kotak im kadikļo̧k alin̄ūrn̄ūr, ļapļo̧k kotak lōn̄ļo̧k naan eo an Irooj, iaļ ko An, im rikanaan eo An. …
… Ilo ad rejtake rikanaan eo ad, jej kam̧ool e ej kūr jān ad Rilo̧mo̧o̧r, eo ej “meram … in laļ.”