Koruwainenetok n̄an Kabun̄ in Elem̧ōņōņō

Kōn wōt karōk in iakwe eo an Jemedwōj Ilan̄ n̄an kajjojo ro Nejin, im kōn mour in lo̧mo̧o̧r im mijen eo an ad Rilo̧mo̧o̧r, Jisōs Kraist, jemaron̄—im aikuj—armej ro relem̧ōņōņōtata ioon laļ in! …

… Ejjeļo̧k bar juon jikin ad m̧ōņōņō eļapļo̧k an alikkar ilo kumi in armej jān n̄e jej kobaļo̧k ippān doon kajjojo Jabōt ilo iien kwōjkwōj eo n̄an kabun̄jar n̄an unjen eo an aolep m̧ōņōņō! …

Lan̄lōn̄ eo ekam̧ōņōņō? “Em̧ool ke men in?” juon emaron̄ kajjitōk. Aaet, em̧ool! Jej lukkuun iakwe, wūjtak, im kautiej ad Anij, im ad kautiej ej kōmakūt juon armej eo ej m̧ōņōņō ilo iakwe eo eļap, tūriam̧o, im lo̧mo̧o̧r! …

Eļan̄n̄e jej kuk ippān doon n̄an emeemej ad Rilo̧mo̧o̧r im lo̧mo̧o̧ren eo Ekar kōm̧m̧ane bwe en pidodo, im m̧ōņōņō im kam̧m̧ooll ej aikuj waļo̧k ilo tūrin mejād! …

… Jeje ko rekwojarjar rej kwaļok bwe “al eo an ro rejim̧we ej juon jar n̄an [Anij]” im bwe An ej m̧ōņōņō.[Katak im Bujen Ko 25:12] eo im Jetōb eo ej lo̧udin̄din̄. Kōn menin jen al! Im wūjtake E!

Jen likūt kōnono im naan in kam̧ool ko ad pedped wōt ioon Jemedwōj Ilan̄ im Jisōs Kraist im leen mour kōn gospel in lo ettā, leen ko “etōn̄al ilōn̄in men otemjeļo̧k eo etōn̄al” [Alma 32:42]. …

Men̄e ej to̧o̧rļok dānin burom̧ōj ak dānin kam̧m̧oolol ilo iien kwokwoj eo, kōtļok bwe en juon iien ej boktok ennaan em̧m̧an kōn menin letok eo an Jemed kōn Nejin m̧aan! …

… Menin ej juon karuwainene n̄an bōk menin letok eo an Rilo̧mo̧o̧r kōn aeņōm̧m̧an, meram, im m̧ōņōņō—n̄an kwaļo̧ke, bwilōn̄ kake, im m̧ōņōņō kake, ilo aolep Jabōt. …

Koruwainenetok n̄an kabun̄ in elem̧ōņōņō!