M̧wen̄an eo an Ālkin Rālep in Jabōt
Najidiki Okar ko, im Ra ko Renaaj Eddōk
Jidik in kōnono in
Juon iaan men ko raorōk tata jemaron̄ katak ilo mour in ej oktak eo ikōtaan ta eo ej indeeo im ta eo ejjab. …
… Jet iaan m̧ool ko rej dilep eo, aorōk, ilo okar in an ad tōmak. Ko jet rej eon̄ļo̧k ko ak ra ko—aorōk, bōtaab ilo wōt aer ekkejel n̄an pedped ko. …
Ilo bar juon wāween, Jisōs Kraist im katok in pinmuur eo an rej okar in naan in kam̧ool eo ad. Aolep men ko jet rej ra ko. …
N̄e ej itok n̄an naajdik naan in kam̧ool ko ad kōn Jisōs Kraist, ij ļōmņak eļan̄n̄e kōj jet iien jej pok kōn ra ko n̄e rej okar ko. …
Jej aikuj kajjitikin kōj make: Naan in kam̧ool eo aō ej ke pedped ioon ta eo ij kōjatdikdik enaaj waļo̧k ilo mour eo aō? Ej ke pedped ioon jerbal im m̧wil ko an ro jet? Ak ej ke dim pedped ioon Jisōs Kraist, “okram̧ im kalōk kom̧ ilo e” [Kolosse 2:7], jekdo̧o̧n ta jekjek ko rej oktak an mour? …
Jejjab aikuj kōtmene n̄an meļeļe aolep men m̧okta jān ad jerbal. Ejjab tōmak menin. … Eļan̄n̄e jej kōttar n̄an jerbal m̧ae aolepān kajjitōk ko ad rej uwaak, jej lukkuun kōm̧m̧an jon̄an jerbal em̧m̧an ko jemaron̄ kōtōprake, im jej kōm̧m̧an jon̄an kajoor in tōmak eo ad. …
Tōmak ej dibuk mālijjon̄ im men ko jejab jeļā kaki an mour kōnke ej jebar tok jān Kraist im katak eo An. Jisōs Kraist, im Jemedwōj Ilan̄ eo eaar jilkintok E, rej jim̧or juon wōt, lōke eo ad eweeppān. …
Ej jar eo aō em̧ool im kōjeraam̧man eo bwe eban jokod ad naajdik okra ko an tōmak eo ad ilo Rilo̧mo̧o̧r eo, ilo katak eo An, ilo Kabun̄ eo An.