M̧wen̄an eo an Jibbon̄ in Jabōt
Raan ko im Jāmin Naaj Meļo̧kļo̧ki
Jidik in kōnono
Kōtaan kiio 2024, im 2034, jenaaj ioon jet m̧akūtkūt ko reļļap im renaaj boktok n̄an kōj iien ko rejeja im jejjab kōtmeni n̄an jerbal, n̄an kobatok ippen membōr ro im ro m̧ottad, im n̄an kwaļok kōn Kabun̄ eo an Jisōs Kraist im Armej ro Rekwojarjar ilo Raan Ko Āliktata n̄an elōn̄ļo̧k armej ro jān kar m̧okta. …
Kōn un eo, ikōņaan ekōnono n̄an kom̧ kōn diktak in epepen in, n̄an karuwaineneik kom̧ n̄an ļōm̧ņake jon̄an kaitok limo in epepen eo tok, juon eo ejāmin naaj meļo̧kļo̧ke, emaron̄ in n̄an kwe. …
N̄an kwe, menin emaron̄ in juon epepen eo jāmin meļo̧kļo̧ke. Bōtaab enaaj ruo alen an itok kōn menin eļan̄n̄e konaaj kate eok n̄an erom̧ juon meram eo n̄an laļ in kōn wāween ko jerbal in jipan̄ ko an gospel eo an Jisōs Kraist remaron̄ kōjeram̧m̧an im kōm̧anm̧an mour ko ami ak barāinwōt ko an baam̧le ko ami, m̧ōttami, im ro rej ļoor kom̧ ilo social media.
Kom̧ maron̄ ļōmņak ekōjkan n̄an kōm̧m̧ane menin. …
M̧oktata, mour kōn gospel eo an Jisōs Kraist. …
Kein karuo, jipan̄ ro rej pād ilo aikuj. …
Kein kajilu, karuwaineneik aolep n̄an bōk gospel eo. …
Kein kaemān, kobaik baam̧le ko n̄an indeeo. …
Ro jeiū im jatū rejitōbōro, joidikdik ro m̧ōtta jitōnbōro, enaaj wōr wōt iien ko im renaaj apan̄ n̄an kōj kajjojo ilo raan ko im̧aan. Ijoke, ilo ad deļo̧n̄e tok epepen in tok kōn iien ko rekabwilōn̄lōn̄, jen kwaļok ad jerbal in jipan̄ ilo ad kōm̧m̧ane m̧akūtkūt kein repidodo ilo ad mour, jipan̄, karuwainene, im aiintok doon. Ilo ad kōm̧m̧ane menin, Irooj enaaj kōjeram̧m̧an koj kōn mour eo im ko kojjāmin meļo̧kļo̧ke.