Ang Propetang si Moises

Si Moises ay isang Israelita, pero pinalaki siya ng anak na babae ng Faraon sa Egipto. Nalungkot si Moises na ang mga Egipcio ay malupit sa mga Israelita at ginawa silang mga alipin.

Isang araw ay nakita ni Moises ang isang Egipcio na sinasaktan ang isang Israelita. Ipinagtanggol ni Moises ang Israelita.

Nang mabalitaan ito ng Faraon, ninais niyang patayin si Moises, pero tumakas si Moises mula sa Ehipto.

Dumating si Moises sa isang lugar na tinatawag na Midian, kung saan nakilala niya ang isang babaeng nagngangalang Zifora. Nagpakasal sila at nagkaroon ng mga anak.

Habang naninirahan sa Midian, nakakita si Moises ng palumpong na nasusunog, pero hindi tinupok ng apoy ang palumpong. Nagpakita ang Panginoon sa isang ningas ng apoy at nagsalita kay Moises.

Sinabi ng Panginoon na alam Niya na ang mga Israelita ay nagdurusa sa Ehipto. Inutusan niya si Moises na bumalik sa Ehipto at sabihin kay Faraon na palayain ang mga Israelita. Sinabi ng Panginoon na tutulungan niya si Moises na palayain ang mga Israelita at aakayin sila papunta sa isang lupang pangako.