Paglalakbay sa Buong Mahal na Araw

Sa Linggo ng Palaspas, binati ng mga tao si Jesucristo nang pumunta Siya sa Jerusalem. Sumigaw sila ng “Hosana” para magdiwang. Ang Hosana ay salitang Hebreo para sa “iligtas mo po kami.”

Noong gabi ng Huling Hapunan, hinugasan ni Jesus ang mga paa ng Kanyang mga disipulo. Nagpakita Siya ng halimbawa ng mapagpakumbabang paglilingkod na dapat nating sundan.

Sa Halamanan ng Getsemani, nanalangin si Jesucristo at nadama ang mga pasakit at problema ng bawat tao. Nagdusa Siya para sa ating mga kasalanan.

Itinanong ni Jose ng Arimatea kung maaari niyang pangalagaan ang katawan ni Jesucristo pagkatapos Niyang mamatay. Ibinigay ni Jose ang kanyang sariling bagong libingan para magkaroon si Jesus ng magandang libingan.

Si Maria Magdalena ang unang nakakita sa Tagapagligtas pagkatapos ng Kanyang Pagkabuhay na Muli. Tumakbo siya para sabihin sa mga Apostol ang mabuting balita!

Pagkamatay Niya, binisita ni Jesucristo ang Kanyang “ibang mga tupa” sa buong mundo. Ang isang lugar na binisita Niya ay ang mga lupain sa Amerika. Nadama nila ang mga sugat sa Kanyang mga kamay at paa at alam nila na Siya ang nabuhay na muling Tagapagligtas.