Moisiu, Profeti

Moisiu ishte izraelit, mirëpo ai u rrit nga e bija e Faraonit në Egjipt. Moisiu ishte i trishtuar që egjiptianët silleshin keq me izraelitët dhe i bënë ata skllevërit e tyre.

Një ditë, Moisiu pa një egjiptian duke goditur një izraelit. Moisiu e mbrojti izraelitin.

Kur Faraoni e zbuloi, ai donte ta vriste Moisiun, por Moisiu u arratis nga Egjipti.

Moisiu vajti në një vend të quajtur Madian, ku takoi një grua të quajtur Sefora. Ata u martuan dhe patën fëmijë.

Ndërsa jetonte në Madian, Moisiu pa një ferrishte që digjej, por zjarri nuk e dogji ferrishten. Zoti u shfaq në zjarr dhe i foli Moisiut.

Zoti tha se Ai e dinte që izraelitët po vuanin në Egjipt. Ai e urdhëroi Moisiun të kthehej në Egjipt dhe t’i thoshte Faraonit që t’i linte izraelitët të iknin të lirë. Zoti tha se Ai do ta ndihmonte Moisiun që t’i çlironte izraelitët dhe t’i udhëhiqte për te një tokë e premtuar.