Toetuʻú ʻi he Funga ʻo e Māmaní

ʻI hení, ʻoku vali kulokula ʻa e fanga foʻi fuaʻimoa ki he Toetuʻú ʻo hangē ko e taʻataʻa ʻo Sīsū Kalaisí. ʻI he Toetuʻú, ʻoku pehē ʻe he kakaí, “Kuo toe tuʻu ʻa Kalaisi mei he maté! ʻOku monūʻia ʻa e Toetuʻu ʻa Kalaisí!” Hili iá pea te nau fahiʻi fakataha ʻenau fuaʻimoá.

ʻOku tokolahi ha kakai ʻoku nau tui vala hinehina ʻi he Sāpate Toetuʻú ko hano fakamanatua ʻo e Toetuʻu ʻa Sīsū Kalaisí mo ikunaʻi ʻa e maté.

ʻI he taimi Toetuʻú, ʻoku ʻufiʻufi ʻe he kakaí ʻa e ngaahi halá ʻaki ha ʻū kāpeti lanu kehekehe naʻe ngaohi mei he efuefuʻi papa mo e matalaʻiʻakau kuo fakalanú. ʻOku ʻi ai ha ngaahi sīpinga fakaʻofoʻofa ʻo e ʻū kāpeti ko ʻení. ʻOku ʻi ai ha ʻū fakatātā ʻo e Fakamoʻuí.

Ko e Falaite Leleí ko ha “ʻaho mālōlō fakalongolongo” mo ha ngaahi fakangatangata fakalao ki he longoaʻá mo e ngaahi polokalama fakatokolahí. ʻOku fakaʻatā heni ʻa e kakaí ke nau fakalongolongo mo fakakaukau ki he meʻa kuo fai ʻe Sīsū Kalaisi maʻanautolú.

ʻOku tokolahi ha ngaahi fāmili ʻoku nau maʻu meʻatokoni pea ʻi ai mo ha laulau meʻakai ʻe 12 ʻi he Tuʻapulelulu pe Falaite kimuʻa ʻi he Toetuʻú. ʻOku fakafofongaʻi ʻe he maʻu meʻatokoni ko ʻení ʻa e ʻOhomohe Fakaʻosi naʻe taumafa ai ʻa Sīsū Kalaisi mo e Kau ʻAposetolo ʻe Toko Hongofulu Mā Uá.

ʻI he Sāpate Pāmé, ʻoku lalanga ʻe he kakaí ʻa e ʻū lauʻi pāmé ki ha ngaahi sīpinga fakaʻofoʻofa. ʻOku tokoni ʻeni ke nau manatua ʻa e founga naʻe talitali lelei ai ʻe he kakai ʻi Selusalemá ʻa Sīsū Kalaisí ʻaki ha ʻū lauʻi paame lolotonga ʻa e Uike Tapú.