“Fononga ʻi he Uike Tapú,” Ko e Kaumeʻá, Māʻasi 2026, 14–15.
Fononga ʻi he Uike Tapú
Selusalema
ʻI he Sāpate Pāmé, naʻe talitali lelei ʻe he kakaí ʻa Sīsū Kalaisi ʻi Heʻene hāʻele mai ki Selusalemá. Naʻa nau kaila “Hōsana” ke fakafiefiaʻi. Ko e Hōsaná ko ha foʻi lea faka-Hepelū ia ki he “kātaki ʻo fakahaofi kimautolu.”
ʻI he pō ʻo e ʻOhomohe Fakaʻosí, naʻe fufulu ai ʻe Sīsū e vaʻe ʻo ʻEne kau ākongá. Naʻá Ne tā ha sīpinga ʻo e ngāue tokoni ʻi he loto-fakatōkilaló ke tau muimui ki ai.
Ko e Ngoue ko Ketisemaní
ʻI he Ngoue ko Ketisemaní, naʻe lotu ai ʻa Sīsū Kalaisi mo ongoʻi ʻa e ngaahi mamahi mo e faingataʻaʻia ʻa e tokotaha kotoa pē. Naʻá Ne faingataʻaʻia koeʻuhi ko ʻetau ngaahi angahalá.
Ko e Fonualotó
Naʻe kole ange ʻe Siosefa ʻo ʻAlemateá pe te ne lava ʻo tokangaʻi ʻa e sino ʻo Sīsū Kalaisí hili ʻEne pekiá. Naʻe tukuange ʻe Siosefa hono fonualoto foʻoú kae lava ke maʻu ʻe Sīsū ha tokaʻanga lelei.
Ko Mele Makitaline naʻe fuofua mamata ki he Fakamoʻuí hili ʻEne Toetuʻú. Naʻá ne lele ke tala ki he kau ʻAposetoló ʻa e ongoongo fakafiefiá!
Ko e Ongo ʻAmeliká
Hili e pekia ʻa Sīsū Kalaisí, naʻá Ne ʻaʻahi ki Heʻene “fanga sipi kehe” ʻi he funga ʻo e māmaní. Ko e feituʻu ʻe taha naʻá Ne ʻaʻahi ki aí ko e Ongo ʻAmeliká. Naʻa nau ala ki he ngaahi matakafo ʻi Hono ongo nimá mo e vaʻé pea naʻa nau ʻiloʻi ko Ia ʻa e Fakamoʻui kuo toetuʻú.
Tā fakatātā ʻa Dave Klüg. ʻE lava ke hiki hano tatau ke fakaʻaongaʻi pē ʻe he Siasí.