Talitali Lelei Kimoutolu, Ngaahi Kaungāmeʻa!

ʻOku fekauʻaki ʻa e makasini ko ʻení mo hono teuteuʻi homou fāmilí ki he Toetuʻú! Te ke lava ʻo fakaʻaongaʻi ʻa e Tukupā ʻo e Ngaahi ʻEkitivitī ʻo e Toetuʻú (peesi 14) ki ha fanga kiʻi meʻa faingofua ke fai ʻo aʻu ki he Toetuʻú. Pe muimui ki ai mo e fāmili ʻo Miá ke fakafiefiaʻi e ʻaho takitaha ʻo e Uike Toputapú (peesi 12).

ʻOku ʻi ai ha ngaahi ngāue fakameaʻa ke faʻu (peesi 38), ʻū peesi ke valivali (peesi 24), mo ha tulama fakaʻofoʻofa ʻo e Toetuʻú ke fakatātaaʻi (peesi 16). Tohi mai ʻo talamai e meʻa ʻoku fai ʻe homou fāmilí ʻi he Toetuʻú he taʻú ni!

ʻOku tau fakamanatu tuʻo taha pē ʻa e Toetuʻú ʻi he taʻu, ka te tau lava ʻo fakamanatua hotau Fakamoʻuí mo ʻEne ʻofa kiate kitautolú ʻi he taʻú kakato.

ʻOfa atu,

Ko e Kaumeʻá