Fiefia Fakauike ʻi he Folofolá

Hiva: “God’s Gracious Love” (Hymns—For Home and Church, no. 1013)

Folofolá: Sēnesi 15:3–6; 21:1–3

ʻEkitivitī: Naʻe pau ke faʻa kātaki mo tatali fuoloa ʻa ʻĒpalahame mo Sela kimuʻa pea tāpuakiʻi kinaua ʻe he ʻOtuá ʻaki ha pēpē. Te ke lava foki mo koe ʻo faʻa kātaki. Kofukofuʻi ha meʻavaʻinga pe fakaneifua ʻaki ha ʻū laʻipepa kehekehe. Hili iá pea toʻo tahataha ʻa e ʻū laʻipepa kofukofú ʻi he taimi kotoa pē ʻokú ke lau ai ha veesi mei he potufolofola ʻi ʻolungá fekauʻaki mo e talanoa ʻo ʻĒpalahame mo Selá. ʻI hoʻo ʻosí, talanoa ki he founga ʻoku ʻikai maʻu ai e ngaahi tāpuakí he taimi ʻe niʻihi. Ka ʻi heʻetau faʻa kātaki mo falala ki he ʻOtuá, ʻe hoko mai maʻu pē ʻEne ngaahi tāpuakí.

Fai ʻa e Lotú:

Tā ʻa e Hivá:

Lau ʻa e Folofolá:

Fai ʻa e Lēsoní:

Hiva: “To Love like Thee” (Hymns—For Home and Church, no. 1019)

Folofola: Sēnesi 24:17–20

ʻEkitivitī: Naʻe angaʻofa ʻa Lepeka. Naʻá ne ʻoange ha vai ki ha tokotaha naʻe ʻikai ke ne ʻiloʻi mo ʻene kāmelí. ʻAlu ʻo fekumi ʻi he angaʻofa! Lue takai ʻi homou ʻapí pe ko homou kaungāʻapí ʻo kumi ha ngaahi founga te ke lava ai ʻo fakahaaʻi ʻa e angaʻofá. Pea fai leva ia!

Fai ʻa e Lotú:

Tā ʻa e Hivá:

Lau ʻa e Folofolá:

Fai ʻa e Lēsoní:

Hiva: “I Have Faith in the Lord Jesus Christ” (Hymns—For Home and Church, no. 1024)

Folofola: Sēnesi 37:2–5, 18–21, 26–28; 39:20–23

ʻEkitivitī: Lau ʻa e ngaahi potufolofola fekauʻaki mo e talanoa ʻo Siosefá pe mamata ʻi he foʻi vitiō mei he Ngaahi Talanoa ʻo e Fuakava Motuʻá. Hili iá pea valivali hono pulupulú ʻi he peesi hono hokó! Tekaʻi ha foʻi lulu (dice) maʻá e tapafā takitaha. Ko e hā pē mataʻifika ʻoku ʻasi haké, fakaʻaongaʻi e lanu ko iá ke valivali ʻaki e tapafā hokó. Naʻe tokoni fēfē ʻa e ʻEikí kia Siosefá? ʻOkú Ne tokoni fēfē nai kiate koé?

Fai ʻa e Lotú:

Tā ʻa e Hivá:

Lau ʻa e Folofolá:

Fai ʻa e Lēsoní:

Hiva: “I Know That My Savior Loves Me” (Hymns—For Home and Church, no. 1021)

Folofola: Sēnesi 47:12 mo e Sione 6:35

ʻEkitivitī: Naʻe fakahaofi ʻe Siosefa hono fāmilí mei he fiekaiá mo fakamolemoleʻi hono ngaahi tokouá. ʻOku lava ke fakamanatu mai ʻe heʻene talanoá ʻa e founga ʻoku fakahaofi mo fakamolemoleʻi ai foki mo kitautolu ʻe Sīsū Kalaisí. Ako fekauʻaki mo e founga naʻe fakahaofi ai kitautolu ʻe Sīsuú ʻaki hono lau ʻa e pōpoaki ʻo e Toetuʻú ʻi he peesi 2.

Fai ʻa e Lotú:

Tā ʻa e Hivá:

Lau ʻa e Folofolá:

Fai ʻa e Lēsoní:

Hiva: “I Can’t Count Them All” (Hymns—For Home and Church, no. 1029)

Folofola: ʻEkesōtosi 2:2–10

ʻEkitivitī: Naʻe faʻo ʻe he faʻē ʻa Mōsesé ʻa e pēpē ko Mōsesé ʻi ha kato pea fufuuʻi ia ʻo ofi ki ha vaitafe koeʻuhí ke ne malu! Faʻu ha kiʻi kato siʻisiʻi ʻo fakaʻaongaʻi ʻa e naunau ʻi homou ʻapí. Te ke lava ʻo fakaʻaongaʻi ha fanga kiʻi vaʻakau ngāue fakameaʻa, pepa, pe ko ha fuaʻiʻakau pe vesitapolo. Feinga leva ke fakatētē hoʻo kató ʻi ha vai. Lau ʻa e ngaahi potufolofola ʻi ʻolungá pea talanoa ki he founga naʻe tokoniʻi ai ʻe he ʻEikí ʻa Mōsesé. Naʻe maluʻi ʻe he ngaahi mana ʻa e ʻOtuá ʻa Mōsese!

Fai ʻa e Lotú:

Tā ʻa e Hivá:

Lau ʻa e Folofolá:

Fai ʻa e Lēsoní: