“Ko ha Toetuʻu Fiefia,” Ko e Kaumeʻá, Māʻasi 2026, 30–31.
Ko ha Toetuʻu Fiefia
Ko ha talanoa moʻoni mei Kemipoutia.
Ko e Toetuʻú ʻi he ʻahó ni! Naʻe ʻamanaki ke vali ʻe he fāmili ʻo Kolōliá ʻa e fuaʻimoa ʻo e Toetuʻú mo kai kale nūtolo.
Naʻe toʻo hake ʻe Pa ha foʻi fuʻaimoa vela. “Tokanga, Pa!” Ko Kolōlia atu ia mo e katá.
Naʻe vali lanu vāleti ʻe Kolōlia ʻene foʻi fuaʻimoá.
Naʻe fehuʻi ange ʻe Pa. “ʻOkú ke ʻilo ʻa e ʻuhinga ʻoku tau fakamanatua ai ʻa e Toetuʻú?”
Naʻe pehē ange ʻe Kolōlia, “Koeʻuhí naʻe pekia ʻa Sīsū maʻatautolu peá Ne toe tuʻu hake.”
“Ko ia!” ko Mami atu ia. “Koeʻuhí ko Sīsū, te tau lava ʻo nofo fakataha mo Ia ʻi ha ʻaho!”
Naʻe pehē ange ʻe Kolōlia, “ʻOku ou tui ʻoku ʻofa ʻa Sīsū ʻiate kitautolu ʻo hangē ko ʻetau feʻofaʻakí.”
“Ko e ʻuhinga ia ʻokú Ne finangalo ai ke tau nofo mo Ia ʻo taʻengatá!”
ʻŪ tā fakatātā ʻa Gillian Reid. ʻE lava ke hiki hano tatau ke fakaʻaongaʻi pē ʻe he Siasí.