“Ngaahi Sipi Kafu ʻo e Toetuʻú,” Ko e Kaumeʻá, Māʻasi 2026, 34–35.

Ngaahi Sipi Kafu ʻo e Toetuʻú

Fai ʻe Kate Anderson

Naʻe vahevahe ʻe he fānau Palaimeli ʻi Peefi, ʻAositelēliá, ʻa e māfana ʻo e angaʻofa ʻa Sīsuú ʻaki ʻenau foaki ha ngaahi sipi kafu ki he kakai fefine matuʻotuʻa ange ʻi honau uōtí. ʻI he taimi Toetuʻú ʻi ʻAositelēlia, ʻoku kamata ke mokomoko hifo ʻa e fua māfaná ki he faʻahitaʻu fakatōlaú kimuʻa pea hoko mai ʻa e faʻahitaʻu momokó. ʻOku faʻa maʻu ʻe he fānaú ha vala mohe māfana mo ha fanga foʻi fuaʻimoa sokoleti ʻi he pongipongi Toetuʻú. ʻE lava ke fakamanatu mai ʻe he vala mohe mo e sipi kafu māfaná ʻa e māfana ʻo e ʻofa ʻa Sīsū Kalaisí.

Tā fakatātā ʻo ha veeni mo ha fānau tokolahi ʻi loto. ʻOku ʻi ai ha laʻitā moʻoni ʻo ha fānau ʻi ha kā ʻi he taha ʻo e ngaahi matapā sioʻatá

1. Naʻa nau ō fakataha ki he falekoloá ke fili ʻa e ngaahi sipi kafú.

Tā ʻo e fānau ʻoku nau fai ha ngaahi ngāue fakameaʻa

2. Naʻa nau ngaohi foki mo ha ʻū matalaʻiʻakau fakameaʻa, vali ha ʻū fuaʻimoa papa ki he Toetuʻú, mo teuteuʻi ha ʻū kaati ke ʻave mo e ngaahi sipi kafú.

Tā fakatātā ʻo ha fale mo ha laʻitā moʻoni ʻo ha kiʻi tamasiʻi ʻokú ne fāʻofua ki ha fefine matuʻotuʻa ange

Tā fakatātā ʻo ha fale mo ha laʻitā moʻoni ʻo ha fefine ʻokú ne pukepuke ha sipi kafu kuo takatakai

3. Naʻa nau tufa leva ʻa e ngaahi sipi kafú. Naʻa nau fiefia ʻi he ngāue fakatahá ke ʻomi e ʻofa ʻa e Fakamoʻuí ki he niʻihi kehé ʻi he taimi Toetuʻú.

Ko e tohi ʻeni naʻe ʻave ʻe he fānaú mo e ngaahi sipi kafú!

Naʻá ku fiefia ʻi heʻeku lava ʻo kau mo fakahoko fakataha ha meʻá. Ko e fakalata tahá ʻa e ʻalu ʻo fakataú, pea naʻa mau fili ʻa e ngaahi lanu ʻo e sipi kafú. Ko ha aʻusia fakalata mo fakafiefia ia.

Lōpeti D., taʻu 9

Naʻá ma saiʻia ʻi he sio ki he fofonga malimali ʻo e kau fefine ʻi homau uōtí ʻi heʻemau ʻoange kiate kinautolu ʻa e ngaahi sipi kafú.

Maika mo Hailame M., taʻu 10 mo e 8

Naʻá ku fiefia lahi ʻi hono fai ha meʻa lelei maʻá e kakai matuʻotuʻa ange ʻi homau uōtí.

Maile N., taʻu 8