« បុណ្យអ៊ីស្ទើរនៅជុំវិញពិភពលោក » ទស្សនាវដ្ដីប្រិយមិត្ដ ខែ មីនា ឆ្នាំ២០២៦ ទំព័រ ២៨–២៩ ។
បុណ្យអ៊ីស្ទើរនៅជុំវិញពិភពលោក
ស្វែងយល់អំពីទំនៀមទម្លាប់របស់ប្រទេសផ្សេងៗ ដើម្បីជួយបងប្អូនឲ្យចងចាំអំពីព្រះអង្គសង្គ្រោះ ។
អាមេនី
នៅទីនេះ ស៊ុត នៃបុណ្យអ៊ីស្ទើរ ត្រូវបាន លាបពណ៌ក្រហមដូចជាឈាមរបស់ព្រះយេស៊ូវគ្រីស្ទ ។ នៅថ្ងៃ បុណ្យអ៊ីស្ទើរ មនុស្ស និយាយថា ៖ « ព្រះគ្រីស្ទបានងើបឡើងពីសេចក្ដីស្លាប់ ! មានពរហើយដល់ការរស់ឡើងវិញរបស់ព្រះគ្រីស្ទ ! » បន្ទាប់មកពួកគេបំបែកស៊ុតជាមួយគ្នា ។
ប្រទេសហ្គាណា
មនុស្សជាច្រើនពាក់ពណ៌សនៅថ្ងៃអាទិត្យបុណ្យអ៊ីស្ទើរ ជាការប្រារព្ធដល់ការរស់ឡើងវិញរបស់ព្រះយេស៊ូវគ្រីស្ទ និងជ័យជម្នះរបស់ទ្រង់លើការស្លាប់ ។
ប្រទេសហ្គូតេម៉ាឡា
នៅពេលបុណ្យអ៊ីស្ទើរ មនុស្សតុបតែងតាមដងផ្លូវជាមួយនឹងកម្រាលព្រំចម្រុះពណ៌ដែលធ្វើពី អាចម៍រណា និងផ្កាជាច្រើន ។ កម្រាលព្រំទាំងនេះមានលំនាំ និងរចនាបថដ៏ស្រស់ស្អាត ។ ខ្លះមានរូបភាពរបស់ព្រះអង្គសង្គ្រោះ ។
ប្រទេសអាល្លឺម៉ង់
ថ្ងៃសុក្រល្អ គឺជា« ថ្ងៃឈប់សម្រាកដ៏ស្ងប់ស្ងាត់ »ជាមួយនឹងការរឹតបន្តឹងផ្នែកច្បាប់លើសំឡេងរំខានខ្លាំង និងព្រឹត្តិការណ៍ជួបជុំជាសាធារណៈនានា ។ នេះអនុញ្ញាតឲ្យមនុស្សនៅស្ងៀមស្ងាត់ និងឆ្លុះបញ្ចាំងអំពីអ្វីដែលព្រះយេស៊ូវគ្រីស្ទបានធ្វើសម្រាប់ពួកគេ ។
ប្រទេសព៉េរូ
គ្រួសារជាច្រើនមានពិធីទទួលទានអាហារជាមួយមុខម្ហូបចំនួន១២មុខនៅថ្ងៃព្រហស្បតិ៍ ឬថ្ងៃសុក្រមុនថ្ងៃនៃបុណ្យអ៊ីស្ទើរចូលមកដល់ ។ នេះជាអាហារតំណាងឲ្យអាហារពេលល្ងាចចុងក្រោយគេ ដែលព្រះយេស៊ូវគ្រីស្ទបានសោយជាមួយសាវកដប់ពីរនាក់របស់ទ្រង់ ។
ប្រទេសហ្វីលីពីន
ថ្ងៃអាទិត្យធាងចាក មនុស្សត្បាញស្លឹកចាកទៅជារចនាបថយ៉ាងស្រស់ស្អាត ។ នេះជួយពួកគេឲ្យចងចាំពីរបៀបដែលប្រជាជននៅទីក្រុង យេរូសាឡិមបានស្វាគមន៍ដល់ព្រះយេស៊ូវគ្រីស្ទ ជាមួយនឹងស្លឹកចាកក្នុងអំឡុងពេលនៃសប្តាហ៍ដ៏បរិសុទ្ធ ។
រចនារូបភាពដោយ ហ្វ្លាវីយ៉ូ រីម៉ុនទី អាចត្រូវបានចម្លងសម្រាប់តែការប្រើប្រាស់ក្នុងសាសនាចក្រតែប៉ុណ្ណោះ ។