« ជ្រុងហត្ថកម្មបុណ្យអ៊ីស្ទើរ » ទស្សនាវដ្តីប្រិយមិត្ត ខែ មីនា ឆ្នាំ ២០២៦ ទំព័រ ៣៨–៣៩ ។
ជ្រុងហត្ថកម្មបុណ្យអ៊ីស្ទើរ
ការបត់ក្រដាសធ្វើផ្កាទូលីប
នៅផ្នែកជាច្រើននៃពិភពលោក ផ្កាទូលីបជាផ្កាមួយក្នុងចំណោមផ្កាដែលឆាប់រីកជាងគេនៅនានិទាឃរដូវ ។ ដោយមូលហេតុនេះហើយ ទើបវាជានិមិត្តរូបនៃការកើតថ្មី និងអាចរំឭកយើងពីការលះបង់របស់ព្រះយេស៊ូវគ្រីស្ទ ។ នៅពេលយើងធ្វើអំពើបាប ពួកយើងអាចប្រែចិត្ត ហើយកើតជាថ្មីម្ដងទៀតខាងព្រលឹងវិញ្ញាណ !
-
សូមបត់ក្រដាសជារាងការ៉េ ពាក់កណ្តាលអង្កត់ទ្រូង ដើម្បីធ្វើជារាងត្រីកោណ ។
-
ជាមួយនឹងផ្នែកវែងនៅខាងក្រោម បត់ចំណុចខាងស្តាំឡើង ត្រូវប្រាកដថាវាមិនត្រួតស៊ីគ្នាជាមួយចំណុចកំពូលទេ ។
-
បត់ផ្នែកខាងឆ្វេងតាមវិធីដូចគ្នានេះចំពោះជំហានទីពីរ ។
-
ផ្ងារក្រដាសរបស់អ្នកឡើង ។ ផ្នែកដែលមានចំណុចពីរលេចចេញមក គួរតែនៅខាងលើ ។
-
បត់ចុះនូវចុងនៃត្រីកោណនៅចំហៀងនីមួយៗ ។
-
ត្រឡប់ក្រដាសរបស់អ្នកម្តងទៀតដើម្បីមើល ឃើញរាងផ្កាទូលីប ! បន្ទាប់មកបិទកាវវាទៅនឹងក្រដាសមួយ ។
ដើម្បីធ្វើដើម កាត់ក្រដាសពណ៌បៃតង រកស្លឹកនៅខាងក្រៅផ្ទះដើម្បីបិទ ឬគូរដោយខ្លួនឯង !
រូបសូនពីដុំម្សៅអំបិល
សាឡាត់ស៊ុតបុណ្យអ៊ីស្ទើរ
តើបងប្អូនដឹងទេថា ស៊ុតអាចរំឭកយើងពីជីវិតថ្មី ? ធ្វើរូបមន្តសាឡាត់ស៊ុតនេះដើម្បីជួយបងប្អូនឲ្យចងចាំពីការរស់ឡើងវិញរបស់ព្រះយេស៊ូវគ្រីស្ទ !
-
ដោយមានជំនួយពីមនុស្សធំ ចម្អិនស៊ុត ៦-៨គ្រាប់ រយៈពេល ១០ នាទី ។
-
ទុកឲ្យស៊ុតត្រជាក់ បន្ទាប់មកបកសំបកវាចេញ ហើយកាត់វាជាបំណែកតូចៗ ។
-
នៅក្នុងចានមួយ លាយស៊ុតដែលបានកាត់ហើយជាមួយ ទឹក ម៉ាស់ស្ដាត១ស្លាបព្រាបាយ និង មៃយ៉ូនណែស ១/៤នៃពែង ។ រោយអំបិល ម្រេច និងផាប្រិការួចបន្ដច្របល់ឲ្យសព្វចូលគ្នា ។
-
លាបវានៅលើនំបុ័ង ឬ នំស្រួយ រួចហើយញ៉ាំវាបាន !
គំនូរ និងរូបថតដោយ អាណា អូតរ៉យ ។ អាចត្រូវបានថតចម្លងសម្រាប់តែការប្រើប្រាស់ក្នុងសាសនាចក្រតែប៉ុណ្ណោះ