Ko e Fononga Fakahihifo ʻa e Kāingalotú

Ko e vakai atu ʻa Pilikihami ʻIongi ki he ngāue ʻa e kakaí ʻi he Temipale Nāvū ne teʻeki ʻosi hono langá

Hili e pekia ʻa Siosefa Sāmitá, naʻe tataki ʻe Pilikihami ʻIongi mo e Kau ʻAposetolo kehé ʻa e Siasí. Naʻe ʻiloʻi ʻe Pilikihami naʻe pau ke mavahe ʻa e Kāingalotú mei Nāvū koeʻuhí naʻe ʻikai malu. Ka naʻe finangalo ʻa e ʻEikí ke nau ʻuluaki fakaʻosi hono langa ʻo e temipalé.

Ko hono talitali lelei ʻe Pilikihami ʻIongi e kakaí ki he temipalé

ʻI he taimi naʻe maau ai ʻa e temipalé, naʻe fai ʻe ha Kāingalotu ʻe lauiafe ha ngaahi fuakava mo e ʻEikí pea silaʻi kinautolu ko ha ngaahi fāmili.

Ko e fononga ʻa e Kāingalotú ʻi ha afā sinou

Kuo taimi ʻeni ke kamata ʻenau fononga fakahihifó. Naʻe momoko ʻa e ʻeá, pea naʻe puke ʻa e kakaí mo fiekaia.

Ko hono tokoniʻi ʻe he ngaahi fāmilí ʻa e niʻihi kehé ke maʻu ha meʻakai mo ha sipi kafu ʻi he momokó

Naʻe lotua ʻe Pilikihami ha tokoni. Naʻe folofola ʻa e ʻEikí ʻoku totonu ke nau fetokoniʻaki, pea te Ne tāpuakiʻi mo tokoniʻi kinautolu.

Ko ha fāmili ʻoku nau tūʻulutui ʻi he tafaʻaki ʻo ha faʻitoka

Naʻe kei fuʻu faingataʻa pē ʻa e fonongá. Naʻe mālōlō ha niʻihi. Ka koeʻuhí ko ʻenau ngaahi fuakava ʻi he temipalé, naʻe ʻiloʻi ʻe he Kāingalotú te nau toe mamata ki he kau mēmipa ʻo honau fāmilí.

Ko Pilikihami ʻIongi ʻi ha saliote ʻo hanga hifo ki he Teleʻa Sōlekí

Naʻe tūʻuta ʻa e fuofua Kāingalotú ki he Teleʻa Sōlekí ʻi he 1847. Te nau lava heni ʻo moihū ki he ʻEikí mo fai ʻEne ngāué ʻi he melino.

Ngaahi ʻīmisi ʻo e ngaahi temipalé mo e kau faifekaú ʻoku ʻasi mei mui ʻa e kolopé

ʻI he fakaʻau mai ʻa e ngaahi taʻú, naʻe tokolahi ange ʻa e tūʻuta mai ʻa e Kāingalotú ʻo nau langa ha ngaahi temipale lahi ange. Naʻe fononga ha kau faifekau ʻi he funga ʻo e māmaní ke akoʻi ʻa e ongoongolelei ʻo Sīsū Kalaisí. Naʻe hokohoko atu ʻa e tupulaki ʻa e Siasi ʻo e Fakamoʻuí, ʻo tāpuekina ai e fānau ʻa e Tamai Hēvaní ʻi he feituʻu kotoa pē.