Ko e Muimui ʻia Sīsū ʻi ʻAfilika Tongá

Feʻiloaki mo ʻOliakele mo Lilepouka

ʻOku muimui ʻa ʻOliakele kia Sīsū Kalaisi ʻaki ʻene tokoni ki hono ngaahi tokouá mo e tuongaʻané ʻi he taimi Kilisimasí. ʻOkú ne pehē, “ʻOku ou saiʻia he tokoni ki heʻeku faʻeé ke teuteu ki he maʻu meʻatokoni hoʻatā Kilisimasí.” ʻOkú ne saiʻia foki he sio faiva fekauʻaki mo Sīsuú ke ako lahi ange kiate Ia.

ʻOku muimui ʻa Lilepouka kia Sīsū ʻaki ʻene tokoni ki heʻene faʻeé mo ʻene kui tangatá. “ʻOku ou saiʻia ʻi he tokoni kia Mami ke ngaohi ʻa e selí mo tokoni ki heʻeku kui tangatá ʻaki ʻeku ʻaʻahi kiate iá.” ʻOkú ne saiʻia ʻi he taimi ʻoku fai ange ai ʻe heʻene kui tangatá ha ngaahi talanoa fekauʻaki mo Sīsū Kalaisí.

Fekauʻaki mo e ʻOliakele mo Lilepouka

Taʻu motuʻá: taʻu 9 fakatouʻosi

Mei: Kautengi, ʻAfilika Tonga

Lea fakafonuá: Faka-Pilitānia

Taumuʻá: ʻOku loto ʻa ʻOliakele ke hoko ko ha tokotaha faʻu tohi pe faiongoongo. ʻOku fie ʻalu ʻa Lilepouka ki he temipalé ʻi he taimi ʻokú ne lahi feʻunga aí.

Ngaahi Meʻa ʻOkú na Manako Aí: ʻOku saiʻia ʻa ʻOliakele ʻi he tohí mo e laukongá. ʻOku saiʻia ʻa Lilepouka ʻi he nití mo e tā fakatātaá.

Fāmilí: ʻOliakele mo Lilepouka, ongo taʻokete, tuongaʻane lahi ʻe taha, mo Mami

Ngaahi Meʻa ʻOku Manako Taha ai ʻa ʻOliakele mo Lilepouká

Talanoa Mei he Folofolá: ʻOku fakatou saiʻia ʻa e ongo tamaiki fefiné ʻi he taimi naʻe fakamoʻui ai ʻe Sīsū Kalaisi ʻa e tangata kuí.

Fuaʻiʻakaú: ʻOku saiʻia ʻa ʻOliakele ʻi he kālepí, pea ʻoku saiʻia ʻa Lilepouka ʻi he situloapeulí.

Meʻakaí: ʻOku saiʻia ʻa Lilepouka ʻi he meʻakai kotoa pē! ʻOku tautautefito e saiʻia ʻa ʻOliakelé ʻi he taati (tart) minitī ʻene faʻeé.

Hiva Palaimelí: ʻOku fakatou saiʻia e ongo tamaiki fefiné ʻi he “Te u ʻAʻeva Pea mo Koé” (Tohi Hiva ʻa e Fānaú, 78).