“Ko ha Meʻaʻofa Kilisimasi Makehe,” Ko e Kaumeʻá, Tīsema 2025, 44–45.
Ko Ha Meʻaʻofa Kilisimasi Makehe
Ko ha talanoa moʻoni mei Finilani.
Naʻe ongoʻi ʻe Fīpē ʻoku fetōʻaki e tā hono mafú. Ko e Efiafi ʻeni Kimuʻa ʻi he Kilisimasí! ʻE vavé ni pē ha ʻi heni ʻa Kulenimā mo Kulenipā. Naʻe ngingila e fuʻu ʻakau Kilisimasí. Naʻe ʻeteʻete takai ʻa Fīpē ʻi he fuʻu ʻakaú ʻo sio ki he ngaahi meʻaʻofa lanu kehekehe ʻi lalo aí. Naʻá ne fifili pe ko e hā ʻene meʻaʻofá!
Naʻe femoʻuekina ʻa Mami mo Teti ʻi he peitó ʻo ngaohi ha meʻakai ifo. Naʻe namu lelei ʻaupito ia! Naʻe ʻi ai ha ngaahi miitipolo Faka-Finilani, meʻakai taʻo ʻōvani, mo e kūkisi sinisā. Mmm!
“Kuo taimi nai ki he ngaahi meʻaʻofá?” Ko e fehuʻi ange ia ʻa Fīpeé.
“Teʻeki ai. Te tau ʻuluaki mamata ʻi ha foʻi vitiō fekauʻaki mo Sīsū,” ko e talaange ia ʻe Tetí. “Ko e Kilisimasí ʻa e taimi ʻoku tau fakamanatua ai ʻa e ʻaho ʻaloʻi ʻo Sīsū Kalaisí.”
Naʻe fakataha mai ʻa e tokotaha kotoa pē ke mamata ʻi ha foʻi vitiō fekauʻaki mo e pēpē ko Sīsuú. Naʻe sio fakalongolongo pē ʻa Fīpē.
Naʻe pehē ange ʻe Fīpē, “Naʻe ʻikai ʻaloʻi ʻa Sīsū ʻi ha falemahaki. Naʻe fāʻeleʻi ia ʻi ha fale tauhiʻanga ʻo e fanga monumanú mo e musié mo e fanga monumanú!”
Naʻe pehē ange ‘e Mami, “ʻOku tonu ia. Ko Sīsū ʻa e meʻaʻofa makehe ʻa e ʻOtuá maʻatautolú. Naʻá Ne hāʻele mai ke fakahaaʻi mai kiate kitautolu ʻa e lahi ʻo e ʻofa ʻa e ʻOtuá ʻiate kitautolú.”
Naʻe ongoʻi loto-māfana mo fiefia ʻa Fīpē. Naʻá ne fakakaukau ki he lahi e ʻofa ʻa Sīsū kiate iá. Naʻá ne ʻiloʻi ko Ia ʻa e meʻaʻofa makehe lahi tahá.
ʻŪ tā fakatātā ʻa Violet Lemay