Meʻaʻofa ʻe 3 ke Foaki ʻi he Kilisimasi Ko ʻEní

ʻOku ʻomi ʻe he Kilisimasí ha fiefia mo ha meʻa fakaofo makehe. ʻOku ʻikai ha meʻa ʻi he hisitōlia ʻo e māmaní kuo tākiekina lahi ange ʻi he ʻaloʻi mo e misiona ʻo Sīsū Kalaisí. ʻOku tau fakamanatua Hono ʻaloʻí ʻi ha ngaahi founga kehekehe ʻi he funga ʻo e māmaní. Ka ʻoku hangē ʻoku tau maʻu kotoa pē ha tukufakaholo faka-Kilisimasi ʻe tahá—ko hono foaki ha ngaahi meʻaʻofá.

ʻOku ou fie fokotuʻu atu ha meʻaʻofa ʻe tolu te tau takitaha lava ʻo foaki ʻi he faʻahitaʻu Kilisimasi ko ʻení pea ʻi he toenga ʻo ʻetau moʻuí. ʻOku ou fakaafeʻi koe ke:

1. Vahevahe hoʻo fakamoʻoní. ʻI hoʻo vahevahe e meʻaʻofa mahuʻingá ni, ʻe mālohi ange ai hoʻo fakamoʻoní.

2. Fakamolemoleʻi ha taha kuó ne fakamamahiʻi koe. ʻI hono foaki e meʻaʻofá ni, te ke ongoʻi foki ai ʻa e melinó mo e fakamoʻuí.

3. Tokoniʻi e niʻihi kehé ke nau ongoʻi e ʻofa ʻa e ʻOtuá ʻo fakafou ʻiate koe. ʻI hoʻo vakai ki he niʻihi kehé ʻo hangē ko e ʻafio mai ʻa e ʻOtuá kiate kinautolú, ʻe tupulaki hoʻo ʻofa kiate kinautolú. Te ke ongoʻi foki e ʻofa ʻa e ʻOtuá ʻi hoʻo moʻuí.

He ʻikai te ke teitei maʻu ʻa e faʻahinga meʻaʻofa ko ʻení ʻi ha faʻahinga falekoloa. Ko ha ngaahi meʻaʻofa ia ʻoku ʻikai hano totongi. Te nau ʻomi ʻa e fiefia ʻoku tuʻuloa mo moʻoní ki he tokotaha ʻokú ne maʻú mo e tokotaha foakí fakatouʻosi.

ʻŪ tā fakatātā ʻa Corey Egbert