“Ngaahi ʻEkitivitī ʻo e Haʻu, ʻo Muimui ʻIate Aú,” Ko e Kaumeʻá, Tīsema 2025, 22–23.
Ngaahi ʻEkitivitī ʻo e Haʻu, ʻo Muimui ʻIate Aú
1–7 Tīsema: Tokāteline mo e Ngaahi Fuakava 137–138
Vaʻinga Fakatātaaʻi ʻo e Folofolá
Naʻe ako ʻe he palōfita ko Siosefa F. Sāmitá ʻoku mahuʻinga ke fakalaulauloto ki he folofolá (vakai, Tokāteline mo e Ngaahi Fuakava 138:1–11). Fai ha kiʻi vaʻinga ke tokoni atu ke ke ako ʻa e ngaahi talanoa mei he folofolá. Taufetongi ʻi hono fakatātaaʻi fakalongolongo ha talanoa manakoa he folofolá kae mateʻi ʻe he tokotaha kotoa pē ʻa e talanoa ko iá!
8–14 Tīsema: Ko e Ngaahi Tefito ʻo e Tuí mo e Fanongonongo Fakamafaiʻi 1 & 2
Vaʻinga Fakamanatu ʻo e Ngaahi Tefito ʻo e Tuí
Naʻe hiki ʻa e Ngaahi Tefito ʻo e Tuí ʻe Siosefa Sāmita ke fakamatalaʻi ʻa e meʻa ʻoku tau tui ki aí (vakai, Ngaahi Tefito ʻo e Tuí 1:1–13). Te ke lava ʻo maʻu ʻa e ngaahi pousitā ʻo e Ngaahi Tefito ʻo e Tuí ʻi he fakaʻosinga ʻo e makasini Ko e Kaumeʻá ʻi he taʻú ni pe ʻi he ʻinitanetí ʻi he friend.ChurchofJesusChrist.org. Fili ha taha ke tautau ʻi hoʻo holisí pea ako maʻuloto ia. Ko e hā e ʻoku mahuʻinga ai ia kiate koé?
15–21 Tīsema: Ko e Fāmilí: Ko ha Fanongonongo ki Māmani
Tulama Fakafāmili ʻo e ʻAloʻí
Ko e fāmilí ko ha konga mahuʻinga ia ʻo e palani ʻa e ʻOtuá (vakai, “Ko e Fāmilí: Ko ha Fanongonongo ki Māmani,” Gospel Library). ʻI he taimi naʻe ʻaloʻi ai ʻa Sīsū Kalaisí, naʻe ʻi ai Hano fāmili naʻa nau ʻofa lahi ʻiate Ia. Fakahoko ha tulama fakafāmili ʻo e ʻAloʻí! Teuteu pea lau fakataha ʻa e talanoa ʻo e Kilisimasí mei he Tohi Tapú (vakai, Luke 2:1–20; Mātiu 2:1–12).
22–28 Tīsema: Kilisimasi
ʻŪ Meʻa Teuteu ki he Fakamoʻoní
Ko e “Ko e Kalaisi Moʻuí” ko ha fakamoʻoni ia mei he kau palōfitá mo e kau ʻaposetoló. Ngaohi ha meʻa teuteu Kilisimasi ki he fakamoʻoní! Kosi ʻo toʻo ha foʻi siakale pepa. Teuteuʻi ha tafaʻaki ʻe taha ki he Kilisimasí. ʻI he tafaʻaki ʻe tahá, tohiʻi ai ʻa e meʻa ʻokú ke ʻilo mo tui ki ai fekauʻaki mo Sīsū Kalaisí. Tautau leva ia ke ke manatuʻi hoʻo fakamoʻoní.
‘Ū laʻitā ʻa Christina Smith