“Mālō e Lelei mei ʻAfilika Tonga!” Ko e Kaumeʻá, Tīsema 2025, 8–9.
Mālō e Lelei mei ʻAfilika Tonga!
ʻOku tuʻu ʻa ʻAfilika Tonga ʻi he tuliki fakatonga ʻo ʻAfiliká. ʻOku nofo ai ha kakai ʻe 60 miliona tupu. ʻOku ʻi ai ha ngaahi lea fakafonua fakaʻofisiale ʻe 12 ʻi he fonuá ni.
Hala Fakakavakava Pulūkalaní
ʻOku lolotonga hoko ʻeni ko e hala fakakavakava māʻolunga taha ʻi ʻAfiliká! Naʻe kakato hono langá ʻi he 1983 pea ʻoku tuʻu ia ʻi ha fute nai ʻe 708 (216 m) ʻi ʻolunga he vaitafé.
Ngaahi ʻAna Kengikoú
Naʻe ʻiloʻi ʻa e ngaahi ʻAna Kengikoú ʻe ha tangata faama ʻi he 1780. Naʻe faʻu ʻa e ngaahi ʻaná mo e lokí ʻe hano holoki māmālie hifo ʻe he vaí ʻa e makalahé ʻi ha taimi fuoloa.
Ko e Penikuini ʻAfiliká
ʻOku nofo ʻa e fanga penikuini ko ʻení ʻi he matāfanga ʻo ʻAfilika Tongá. Ko e penikuini kotoa pē, ʻoku ʻi ai ha konga honau kilí ʻoku lanu pingikī ʻi ʻolunga ʻi honau matá ʻa ia ʻoku tokoni ke nau mokomoko ʻi he taimi ʻoku vela ai ʻi tuʻá.
Kakau ʻa e Sātiní
ʻOku hiki fakataha ha fanga sātini ʻe laui miliona ʻi he matāfanga ʻo ʻAfilika Tongá lolotonga e faʻahitaʻu momoko ʻo ʻAfiliká mei Mē ki Siulai. ʻE lava ke aʻu ʻo maile ʻe 4 (km ʻe 7) ʻa e lōloa e kulupu ʻo e fanga iká!
Motuku Puluú
Ko e motuku lanu puluú ko e manupuna fakafonua ia ʻo ʻAfilika Tongá. ʻOku nofo heni ʻa e kulupu lahi taha ʻo e motuku lanu puluú ʻi he māmaní!
Temipale Johannesburg South Africa
Temipale Durban South Africa
Temipale Cape Town South Africa (lolotonga langa)
Ngaahi tā fakatātā ʻa Naomi Skinner