Ko e Talanoa ʻo e Kilisimasí

ʻI he kuonga kimuʻá, naʻe fakahā ʻe ha ʻāngelo ki ha finemui ko Mele te ne fāʻeleʻi ha pēpē. Te Ne hoko ko Sīsū Kalaisi, ko e Fakamoʻui ʻo e māmaní.

Naʻe fononga ʻa Mele mo hono husepāniti ko Siosefá, ki Pētelihema. Naʻe taimi ke fāʻeleʻi e pēpē ʻa Melé!

Ne ngingila ha fetuʻu foʻou ʻi he langí. Naʻe hiva ʻa e kau ʻāngelo ʻi he langí.

Naʻe fakavavevave atu ʻa e kau tauhisipí ke mamata ki he pēpē ko Sīsuú.

ʻI he ongo ʻAmeliká, naʻe tatali ʻa e kakaí ki ha fakaʻilonga naʻe ʻaloʻi ʻa Sīsū. ʻI ha pō ʻe taha, naʻe ʻikai fakapoʻuli ʻi he tō ʻa e laʻaá! Naʻe maama ʻa e langí kae ʻoua kuo hopo hake ʻa e laʻaá ʻi he ʻaho hono hokó.

Naʻe fiefia ʻaupito ʻa e kakaí! Naʻa nau ʻiloʻi kuo ʻaloʻi ʻa Sīsū.