Dali, Sunod Kanako nga mga Kalihokan

Si Propeta Joseph F. Smith nakakat-on nga importante ang pagpamalandong sa mga kasulatan (tan-awa sa Doktrina ug mga Pakigsaad 138:1–11). Pagdula og dula nga makatabang ninyo sa pagkat-on og mga istorya gikan sa mga kasulatan. Pagpulipuli sa hilom nga pagdrama-drama og usa ka paborito nga istorya sa kasulatan samtang ang uban motag-an kon unsa kini!

Ang Mga Artikulo sa Pagtuo gisulat ni Joseph Smith aron sa pagpasabot kon unsa ang atong gituohan (tan-awa sa Mga Artikulo sa Pagtuo 1:1-13). Inyong makita ang mga poster sa Mga Artikulo sa Pagtuo sa kataposan sa matag isyu sa Higala nga magasin niining tuiga o sa online diha sa friend.ChurchofJesusChrist.org. Pagpili og usa nga ibitay sa inyong bongbong ug praktisa ang pagmemorya niini. Nganong importante man kini para nimo?

Ang pamilya usa ka mahinungdanong bahin sa plano sa Dios (tan-awa sa “Ang Pamilya: Usa ka Pamahayag ngadto sa Kalibotan,” Librarya sa Ebanghelyo). Sa dihang natawo si Jesukristo, Siya adunay pamilya nga naghigugma kaayo Niya. Paghimo og pamilya nga pagpasundayag sa Talan-awon sa Pagkatawo ni Jesus! Pagsul-ob og pangdrama-drama nga sinina ug basaha ninyo ang istorya sa Pasko gikan sa Biblia (tan-awa sa Lucas 2:1–20; Mateo 2:1–12).

“Ang Buhi nga Kristo.” usa ka pagpamatuod gikan sa mga propeta ug apostoles. Paghimo og adorno sa Pasko nga pagpamatuod! Paggunting og lingin nga papel. Adornohi ang usa ka habig para sa Pasko. Sa pikas nga habig, isulat unsay imong nahibaloan ug gituohan mahitungod ni Jesukristo. Dayon ibitay kini aron mahinumdom sa imong pagpamatuod.