3 Meaalofa e Tuuina Atu i Lenei Kerisimasi

O le Kerisimasi e aumaia ai se olioli faapitoa ma le faagaeetia. E leai se mea na tupu i le talafaasolopito o le lalolagi na i ai se aafiaga sili atu nai lo le soifua mai ma le misiona a Iesu Keriso. Tatou te faamanatuina Lona soifua mai i le tele o auala eseese i le salafa o le lalolagi. Ae e foliga mai e tasi lava a tatou tu ma aga masani o le Kerisimasi—tuuina atu o meaalofa.

Ou te fia fautuaina atu ni meaalofa se tolu e mafai e i tatou taitoatasi ona tuuina atu i lenei vaitau o le Kerisimasi ma i o tatou olaga atoa. Ou te valaauliaina oe ina ia:

1. Faasoa atu lau molimau. A o e faasoaina atu lenei meaalofa taua, o le a faatupulaia malosi ai lau lava molimau.

2. Faamagalo se tasi ua faatiga ia te oe. I le tuuina atu o lenei meaalofa, o le a e lagonaina ai foi e oe le filemu ma le faamalologa.

3. Fesoasoani i isi ia lagonaina le alofa o le Atua e ala atu ia te oe. A o e vaai atu i isi e pei ona silasila mai le Atua ia i latou, o le a tuputupu ae lou alofa mo i latou. O le a lagonaina ai foi le alofa o le Atua i lou olaga.

O le a e le mauaina lava nei ituaiga o meaalofa i soo se faleoloa. O ni meaalofa e aunoa ma se tau. O le a latou aumaia le olioli tumau ma le moni i lē e taliaina ma lē na tuuina atu.

O ata na tusia e Corey Egbert