Alofa e Pei o Ia

Saunia e Peresitene Henry B. Eyring

Fesoasoani Lua i le Au Peresitene Sili

Siiina mai i le “O Le Agaga o le Kerisimasi” (faigalotu a le Au Peresitene Sili i le Kerisimasi, 5 Tes., 2021), Gospel Library.

O se tamaitiiti o loo tilotilo i se seti o le Soifua Mai o Iesu

I le fanau mai o Iesu sa pepese agelu, ma sa faaali mai se fetu fou e faamalamalama ai le lagi. Sa faafeiloaia o Ia e leoleo mamoe. Sa taitaiina mulimuli ane le Au Makoi e tapuai atu ia te Ia.

Na filifili Iesu Keriso e afio mai i lalo mai Lona nofoalii i le lagi e nofo i le lalolagi. Sa Ia faia ona o le alofa mo atalii ma afafine uma o le Tama Faalelagi. Sa Ia faia ona o le alofa mo oe—ma a’u.

Ina ia maua le agaga o le Kerisimasi, e tatau ona tatou taumafai e alolofa atu e faapei ona Ia alofa mai. O Ana upu ia te oe ma a’u ia “Alofa atu le tasi i le isi, e pei ona ou alofa atu ia te outou” (Ioane 15:12).

Ou te molimau atu o le pepe na soifua mai i Peteleema, o Iesu Keriso, le Alo pele o le Atua. Ou te alofa ia te outou ma faamanuia atu ia te outou se vaitau fiafia o le Kerisimasi—i lenei tausaga ma taimi uma.

Mulimuli i le Fetu

O se fetu fou i le lagi na taialaina le Au Makoi i le pepe o Iesu (tagai i le Mataio 2:10–11). Valivali fetu e fesoasoani ia i latou e saili le ala i Peteleema.